Shymkentke "Vero Cell" vaktsinasynyń 80 myń dozasy jetkizildi
– Shymkent qalasynda osy jyldyń 17 tamyzynan bastap «QR Bas memlekettik sanitariialyq dárigeriniń 2021 jylǵy 11 maýsymdaǵy №28 Qaýlysyna tolyqtyrý engizý týraly» 2021 jylǵy 12 tamyzdaǵy №35 Qaýlysyn basshylyqqa alyp belsendiligi joiylǵan nemese inaktivirlengen (Sinopharm-QHR) COVID-19-ǵa qarsy «Vero Cell» vaktsinasyn qoldaný bastaldy.
Bul – elimizde jáne bizdiń qalada da KVI-ǵa qarsy qoldanyp otyrǵan 5-vaktsina. Iaǵni, úshinshi megapoliske «Vero Cell» vaktsinasynyń 80 000 dozasy jetkizildi. Onyń 40 000 dozasy 1-komponentke, al 40 000 dozasy 2-komponentke arnalǵan. Búginde atalǵan vaktsinanyń 40 myń dozasy DSB tarapynan barlyq egý pýnktine taratyldy. Bul ekpe 18 jastan asqan eresekterge arnalǵan. Onda antibiotikter men konservanttar joq, – dedi Ábdimanap Qoshqaruly.
Spikerdiń sózinshe, eger vaktsinatsiiadan keiin júike júiesi tarapynan jaǵymsyz reaktsiialar paida bolsa, osy ónimdi qaita paidalanýǵa tyiym salynady.
Aita keteiik, vaktsinany engizýge qarsy kórsetilimder:
1) Vaktsinanyń kez kelgen komponentine (onyń ishinde qosymsha zattarǵa) allergiia;
2) Vaktsinaǵa allergiialyq reaktsiialar (jedel allergiialyq reaktsiia, angionevrozdyq isiný, entigý);
3) Baqylanbaityn epilepsiia nemese júike júiesiniń basqa da údemeli aýrýlary, sondai-aq anamnezinde Giien-Barre sindromynyń bolýy;
4) Júktilik jáne laktatsiia kezeńi men 18 jasqa deiin jas erekshelik bolyp esepteledi.
