2021 jyldyń qańtar-sáýir aılarynyń qorytyndysy boıynsha Shymkent qalasy ekonomıkasyna 59,7 mlrd. teńge ınvestısıa tartylyp, ótken jyldyń tıisti kezeńimen salystyrǵanda 25,2 paıyzǵa artty. Ósim boıynsha qala respýblıkada birinshi bestikke endi, – dep habarlaıdy Dalanews.kz Shymkent qalasy ákimdiginiń baspasóz qyzmetine silteme jasap.

2020 jyldyń osy ýaqyt aralyǵynda qala ekonomıkasyna 47,2 mlrd teńge ınvestısıa tartylǵan bolatyn.Investısıalyq ósimniń artýy jáne nátıjeli jumys úshin Shymkent qalasy ákiminiń bastamasymen ınvestısıalyq  shtab qurylǵan.

Sonymen qatar, 2021-2025 jyldar jalpy quny 2,5 trln teńgeni quraıtyn 261 ınvestısıalyq joba iske asyrylyp, 20 myńnan asa jańa jumys ornymen qamtylatyn bolady. Onyń ishinde, 2021 jyly jalpy quny 171,6 mlrd. teńgeni quraıtyn, 2,5 myń jańa jumys ornymen, 68 ınvestısıalyq jobanyń iske asyrylýy josparlanýda.

Jalpy kásipkerlik qoldaý kartasy aıasynda osy jyly qala aýmaǵynda 56,1 mlrd teńgege 1 myńnan astam jumys ornyn qurýmen  21 jobany iske qosý kózdelgen.

Joǵaryda atalǵan jobalarǵa turaqty monıtorıń jumystaryn júrgizý, problemalyq máselelerin sheshý, qalanyń jalpy ınvestısıalyq ahýalyn jaqsartý jumystary apta saıyn ınvestısıalyq shtab otyrysynda qaralyp otyrady.

Shtabtyń negizgi qyzmeti – ınvestorlardy memlekettik qoldaý arqyly yntalandyrý, qala aýmaǵynda jumys istep turǵan óndiris oryndaryn keńeıtý men jańartý, jańa óndiris alańdaryn qurý, ınvestısıalyq jobalardy júzege asyrýdaǵy problemalyq máselelerdi sheshýdi jedeldetý.

Shtab otyrysynda ınvestısıalyq joba boıynsha jaýaptylarǵa tapsyrmalar júktelip, olardyń oryndalýy  turaqty baqylaýda. Búgingi tańda birqatar júıeli máseleler sheshimin tabýda.