Shymkenttik belsendi Nazira Júrgenbaeva Jalpyulttyq sotsial-demokratiialyq partiiasynyń Almaty oblystyq filialynyń jetekshisi Nurym Nurlybekovke qatysty quqyq qorǵaý organdaryna aryz berdi. Alaida politsiia onyń ótinishin qaraýsyz qaldyryp, nomenklatýralyq iske jibergen. Bul týraly Feminita bastamasy Facebook-tegi paraqshasynda málimdedi, dep habarlaidy Dalanews.kz.
Oqiǵa neden bastaldy?
5 jeltoqsanda Nurlybekov áleýmettik jelide LGBT ókilderine qatysty “bárin atyp tastar edim” degen mazmundaǵy jazba qaldyrǵan. Bul oiy qoǵamda úlken rezonans týdyryp, birqatar uiymfilial jetekshisin qylmystyq jaýapkershilikke tartý joldary kórsetilgen nusqaýlyq jariialady.
Uiymdardyń pikirinshe, Nurlybekovtiń sózi zorlyq-zombylyqty nasihattaidy jáne áleýmettik arazdyqty qozdyrý belgilerin qamtidy.
Aryz bergennen keiingi jaǵdai
Nazira Júrgenbaeva Nurlybekovke qatysty aryzdy Birińǵai sotqa deiingi tergep-tekserý tiziliminiń ashyq sektorynda onlain túrde joldaǵan. Aryz tirkelgennen keiin 30–40 minýt ishinde belsendiniń úiine ýchaskelik politsiia inspektory barǵan. Feminita málimetinshe, inspektor aryzdy keri qaitaryp, ony “jaýap berýshiniń turǵylyqty jerine jiberýdi” usynǵan. Onyń sózinshe, politsiia Nurlybekovti Almatydan Shymkentke shaqyra almaidy.
Belsendi aryzdy qaitaryp alýdan bas tartqan soń, oqiǵa ornyna tergeý toby kelip, odan túsinikteme talap etken.
Aryz qaraýsyz qaldy
Aryz tirkelgennen keiin 18 saǵat ótken soń, Júrgenbaeva 1414 qyzmeti arqyly Shymkent politsiiasynan resmi jaýap alǵan. Onda aryz boiynsha bastapqy tekseris júrgizilgeni, alaida “aryz qaraýsyz qaldyrylyp, nomenklatýralyq is retinde tirkelgeni” habarlanǵan.
Belsendi jariialaǵan aqparatqa sáikes, aryz mártebesin ERDR portalynan tekserý múmkin bolmaǵan, júie 504 jáne 401 qatelikterin kórsetken. Sonymen qatar aryzdy qabyldaǵan tergeýshi qońyraýlar men habarlamalarǵa jaýap bermegen.
Feminita pikiri
Feminita mundai sheshimniń birneshe mańyzdy aspektisin atap ótti:
• aryz qabyldanyp, tirkelgen;
• alaida naqty tergeý bastalmaǵan;
• belsendini aryzyn keri qaitarýǵa itermeleý áreketteri bolǵan;
• is resmi túrde arhivke jiberilgen.
Uiym ókilderiniń aitýynsha, politsiianyń bul áreketi Qylmystyq is júrgizý kodeksiniń normalaryn buzady. Sebebi aryz boiynsha tolyq tekseris júrgizilip, quqyqtyq baǵa berilýi tiis. “Nomenklatýralyq iske jiberý” – tergeý júrgizýden faktilik bas tartý retinde baǵalanýda.
Feminita bul jaǵdaidy “politsiianyń jáne memleket júiesiniń azamattardy qorǵaý mindetin oryndamaýynyń belgisi” dep atady. Uiymnyń pikirinshe, eger memlekettik organdar jariia túrde aitylǵan ólim qaterin durys qaramasa, bul – qate emes, júielik salǵyrttyqtyń kórinisi.
Belsendiniń áreketi
Feminita belsendiniń aryzdan bas tartpaǵanyn, politsiianyń kelýin tirkegenin jáne resmi jaýap alǵanyn atap ótti.
