Shymkent TMD elderiniń mádeni astanasy jylyna daiyndyqty bastady
Jiynǵa qala ákimi N.Saýranbaev pen ákim orynbasarlary jáne jaýapty sala basqarmalalarynyń basshylary qatysty.
Shymkent qalasynyń osyndai mártebege ie bolýy barshamyz úshin úlken jaýapkershilik ekenin aitqan aimaq basshysy bul sharany joǵary deńgeide ótkizý úshin daiyndyqty búginnen bastaýdy tapsyrdy.
– Eń aldymen qalany damytý boiynsha is-shara josparyn bekitip, sol boiynsha júieli jumystardy atqarý kerek. Ekinshi shahar aýmaǵyn jasyl jelekke ainaldyrý maqsatynda arnaiy karta ázirlegen jón. Al kópqabatty úilerdiń qasbetin retke keltirý jumystaryn josparly túrde júzege asyrýlaryńyz tiis. Sonymen birge, kelýshi qonaqtar men turǵyndarǵa jaily demalys syilaityn skverler men Arbat kóshesin salǵan tiimdi. Shymkenttiń kóne qala ekenin aiǵaqtaityn «eski shahar» aýmaǵynda júrgizilip jatqan arhelogiialyq zertteýdi toqtatpaý qajet, – dedi J.Túimebaev.
Osylaisha Shymkent qalasy aldaǵy úsh jylda kórkeie túspek. Atap aitqanda qalanyń damýy jańa baǵytta kúsheitetin «Shymkent - Siti» jobasy júzege asyp, qala ortalyǵynan Arbat kóshesi uiymdastyrylmaq. Al, Shymkenttegi eski qala ornynyń aýmaǵynda arheologiialyq ashyq aspan astyndaǵy mýzei qurylmaq. Munan bólek, «Shatqal» baǵdarlamasy boiynsha egilgen kóshetter 2020 jylǵa deiin jaiqalǵan jasyl jelek jáne saiabaqqa ainalatyn bolady. Buǵan qosa, aldaǵy ýaqytta qalanyń jasyl aimaǵyn 18 myń gektarǵa jetkizý jospary tur. Sondai-aq, barlyq ǵimarattar jaryqpen bezendirilip, shahardyń sáýlettik-kórkem jaryǵy túngi beineni jarqyn áserge bóleitin bolady.
Sonymen qatar, óńir basshysy oblys ortalyǵynyń aýmaǵyna qosylǵan jańa aýdandardy abattandyrýdy nazardan tys qaldyrmaýdy da tapsyrdy.
OQO ákiminiń baspasóz qyzmeti
