شىمكەنت تمد ەلدەرٸنٸڭ مەدەني استاناسى جىلىنا دايىندىقتى باستادى
جيىنعا قالا ەكٸمٸ ن.ساۋرانباەۆ پەن ەكٸم ورىنباسارلارى جەنە جاۋاپتى سالا باسقارمالالارىنىڭ باسشىلارى قاتىستى.
شىمكەنت قالاسىنىڭ وسىنداي مەرتەبەگە يە بولۋى بارشامىز ٷشٸن ٷلكەن جاۋاپكەرشٸلٸك ەكەنٸن ايتقان ايماق باسشىسى بۇل شارانى جوعارى دەڭگەيدە ٶتكٸزۋ ٷشٸن دايىندىقتى بٷگٸننەن باستاۋدى تاپسىردى.
– ەڭ الدىمەن قالانى دامىتۋ بويىنشا ٸس-شارا جوسپارىن بەكٸتٸپ, سول بويىنشا جٷيەلٸ جۇمىستاردى اتقارۋ كەرەك. ەكٸنشٸ شاھار اۋماعىن جاسىل جەلەككە اينالدىرۋ ماقساتىندا ارنايى كارتا ەزٸرلەگەن جٶن. ال كٶپقاباتتى ٷيلەردٸڭ قاسبەتٸن رەتكە كەلتٸرۋ جۇمىستارىن جوسپارلى تٷردە جٷزەگە اسىرۋلارىڭىز تيٸس. سونىمەن بٸرگە, كەلۋشٸ قوناقتار مەن تۇرعىندارعا جايلى دەمالىس سىيلايتىن سكۆەرلەر مەن اربات كٶشەسٸن سالعان تيٸمدٸ. شىمكەنتتٸڭ كٶنە قالا ەكەنٸن ايعاقتايتىن «ەسكٸ شاھار» اۋماعىندا جٷرگٸزٸلٸپ جاتقان ارحەلوگييالىق زەرتتەۋدٸ توقتاتپاۋ قاجەت, – دەدٸ ج.تٷيمەباەۆ.
وسىلايشا شىمكەنت قالاسى الداعى ٷش جىلدا كٶركەيە تٷسپەك. اتاپ ايتقاندا قالانىڭ دامۋى جاڭا باعىتتا كٷشەيتەتٸن «شىمكەنت - سيتي» جوباسى جٷزەگە اسىپ, قالا ورتالىعىنان اربات كٶشەسٸ ۇيىمداستىرىلماق. ال, شىمكەنتتەگٸ ەسكٸ قالا ورنىنىڭ اۋماعىندا ارحەولوگييالىق اشىق اسپان استىنداعى مۋزەي قۇرىلماق. مۇنان بٶلەك, «شاتقال» باعدارلاماسى بويىنشا ەگٸلگەن كٶشەتتەر 2020 جىلعا دەيٸن جايقالعان جاسىل جەلەك جەنە ساياباققا اينالاتىن بولادى. بۇعان قوسا, الداعى ۋاقىتتا قالانىڭ جاسىل ايماعىن 18 مىڭ گەكتارعا جەتكٸزۋ جوسپارى تۇر. سونداي-اق, بارلىق عيماراتتار جارىقپەن بەزەندٸرٸلٸپ, شاھاردىڭ سەۋلەتتٸك-كٶركەم جارىعى تٷنگٸ بەينەنٸ جارقىن ەسەرگە بٶلەيتٸن بولادى.
سونىمەن قاتار, ٶڭٸر باسشىسى وبلىس ورتالىعىنىڭ اۋماعىنا قوسىلعان جاڭا اۋدانداردى اباتتاندىرۋدى نازاردان تىس قالدىرماۋدى دا تاپسىردى.
وقو ەكٸمٸنٸڭ باسپاسٶز قىزمەتٸ
