Shymkent politsieileri kólikti mas kúiinde júrgizýshilermen kúresýde
Osy aidyń basynan beri megapolis joldarynda 30-ǵa jýyq júrgizýshi mas kúiinde anyqtaldy. Olarǵa qatysty QR ÁQBtK-niń 608-baby (júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúide basqarýy, sol siiaqty kólik quralyn alkogoldik, esirtkilik jáne (nemese) ýytqumarlyq masań kúidegi adamnyń basqarýyna berý) boiynsha ákimshilik hattamalar toltyryldy.
Reid kezinde 9 avtokóliktiń júrgizýshileri alkogoldik, esirtkilik jáne (nemese) ýytqumarlyq masań kúiin kýálandyrýdan ótýden jaltartqany úshin QR ÁQBtK-niń 613-baby boiynsha ákimshilik jaýapkershilikke tartyldy.
Is-shara barysynda avtokóliktiń júrgizýshilerimen profilaktikalyq áńgimeler júrgizildi.
Jol-kólik oqiǵalarynyń negizgi sebebi mádeniettiń tómendiginen jáne joldarda ózara syilastyqtyń bolmaýynan qalyptasatyn adami faktor bolyp qalatynyn túsiný mańyzdy.
Kólik júrgizý kezinde maskúnemdik máselesine nemquraily qaramańyz jáne jolda ózin durys ustamaityn, mas kúiinde kólik júrgizetin júrgizýshiler týraly ýaqytyly politsiiaǵa habarlańyz. Joldarda abai bolyńyz, jol qozǵalysy erejelerin qatań saqtańyz jáne jol qaýipsizdigi ózimizge bailanysty ekenin este saqtańyz!
Shymkent qalasy Politsiia departamentiniń Baspasóz qyzmeti
