وسى ايدىڭ باسىنان بەرى مەگاپوليس جولدارىندا 30-عا جۋىق جۇرگىزۋشى ماس كۇيىندە انىقتالدى. ولارعا قاتىستى ق ر اقبتك-نىڭ 608-بابى (جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) بويىنشا اكىمشىلىك حاتتامالار تولتىرىلدى.
رەيد كەزىندە 9 اۆتوكولىكتىڭ جۇرگىزۋشىلەرى الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيىن كۋالاندىرۋدان وتۋدەن جالتارتقانى ءۇشىن ق ر اقبتك-نىڭ 613-بابى بويىنشا اكىمشىلىك جاۋاپكەرشىلىككە تارتىلدى.
ءىس-شارا بارىسىندا اۆتوكولىكتىڭ جۇرگىزۋشىلەرىمەن پروفيلاكتيكالىق اڭگىمەلەر جۇرگىزىلدى.
جول-كولىك وقيعالارىنىڭ نەگىزگى سەبەبى مادەنيەتتىڭ تومەندىگىنەن جانە جولداردا ءوزارا سىيلاستىقتىڭ بولماۋىنان قالىپتاساتىن ادامي فاكتور بولىپ قالاتىنىن ءتۇسىنۋ ماڭىزدى.
كولىك جۇرگىزۋ كەزىندە ماسكۇنەمدىك ماسەلەسىنە نەمقۇرايلى قاراماڭىز جانە جولدا ءوزىن دۇرىس ۇستامايتىن، ماس كۇيىندە كولىك جۇرگىزەتىن جۇرگىزۋشىلەر تۋرالى ۋاقىتىلى پوليسياعا حابارلاڭىز. جولداردا اباي بولىڭىز، جول قوزعالىسى ەرەجەلەرىن قاتاڭ ساقتاڭىز جانە جول قاۋىپسىزدىگى وزىمىزگە بايلانىستى ەكەنىن ەستە ساقتاڭىز!
شىمكەنت قالاسى پوليسيا دەپارتامەنتىنىڭ باسپا ءسوز قىزمەتى
