Shymkent munai óńdeý zaýytynda eki adam qaza tapty, dep habarlaidy Dalanews.kz.
Buǵan deiin 26 tamyz kúni Shymkent munai óńdeý zaýyty aýmaǵynda qaiǵyly jaǵdai oryn alǵany habarlanǵan. Avtokótergishtiń aýdarylýy saldarynan merdiger uiymnyń eki oqshaýlaýshysy kóz jumǵan.
«PetroQazaqstan Oil Prodakts» JShS baspasóz qyzmeti bul aqparatty rastady.
"26 tamyz kúni saǵat 14:30 shamasynda oqshaýlaý jumystaryn oryndaý barysynda avtokótergish aýdarylyp, eki adam qaza tapty. Jumysty merdiger uiym – «KRS Astana» JShS júrgizgen. Qaitys bolǵandar osy uiymnyń oqshaýlaýshylary bolyp shyqty. Atalǵan jaǵdaidyń sebebin arnaiy qurylǵan jumys toby anyqtap jatyr. Zaýyt shtattyq rejimde jumysyn jalǵastyrýda", – delingen resmi habarlamada.
Kompaniia basshylyǵy qaza tapqandardyń týystaryna kóńil aitty.
Shymkent munai óńdeý zaýyty «PetroQazaqstan Oil Prodakts» kompaniiasyna tiesili. Bul – «QazMunaiGaz» ben Qytaidyń CNPC kompaniiasy arasyndaǵy birlesken kásiporyn (úlesi 50%-dan).
