شىمكەنت مۇناي ٶڭدەۋ زاۋىتىندا ەكٸ ادام قازا تاپتى

شىمكەنت مۇناي ٶڭدەۋ زاۋىتىندا ەكٸ ادام قازا تاپتى, دەپ حابارلايدى Dalanews.kz.

بۇعان دەيٸن 26 تامىز كٷنٸ شىمكەنت مۇناي ٶڭدەۋ زاۋىتى اۋماعىندا قايعىلى جاعداي ورىن العانى حابارلانعان. اۆتوكٶتەرگٸشتٸڭ اۋدارىلۋى سالدارىنان مەردٸگەر ۇيىمنىڭ ەكٸ وقشاۋلاۋشىسى كٶز جۇمعان.

«پەتروقازاقستان ويل پروداكتس» جشس باسپاسٶز قىزمەتٸ بۇل اقپاراتتى راستادى.

"26 تامىز كٷنٸ ساعات 14:30 شاماسىندا وقشاۋلاۋ جۇمىستارىن ورىنداۋ بارىسىندا اۆتوكٶتەرگٸش اۋدارىلىپ, ەكٸ ادام قازا تاپتى. جۇمىستى مەردٸگەر ۇيىم – «كرس استانا» جشس جٷرگٸزگەن. قايتىس بولعاندار وسى ۇيىمنىڭ وقشاۋلاۋشىلارى بولىپ شىقتى. اتالعان جاعدايدىڭ سەبەبٸن ارنايى قۇرىلعان جۇمىس توبى انىقتاپ جاتىر. زاۋىت شتاتتىق رەجيمدە جۇمىسىن جالعاستىرۋدا", – دەلٸنگەن رەسمي حابارلامادا.

كومپانييا باسشىلىعى قازا تاپقانداردىڭ تۋىستارىنا كٶڭٸل ايتتى.

شىمكەنت مۇناي ٶڭدەۋ زاۋىتى «پەتروقازاقستان ويل پروداكتس» كومپانيياسىنا تيەسٸلٸ. بۇل – «قازمۇنايگاز» بەن قىتايدىڭ CNPC كومپانيياسى اراسىنداعى بٸرلەسكەن كەسٸپورىن (ٷلەسٸ 50%-دان).