Shymkent ekonomikasynyń jeti salasynda ósim baiqalady
Máselen, 2021 jyldyń qańtar-sáýir aiynyń qorytyndysymen ónerkásip ónim kólemi 243,3 mlrd. teńgeni qurasa, onyń ishinde óńdeý ónerkásibiniń kólemi ótken jyldyń sáikes kezeńimen salystyrǵanda 114,4 paiyzǵa jetken. Bul kórsetkishpen qalamyz elimiz boiynsha 1 bestikke kirip otyr. Sondai-aq, paidalanýǵa berilgen turǵyn úi kólemi 111,3 myń sharshy metrge jetip, 6,3 esege ulǵaiǵan. Bul kórsetkishtiń ósimi boiynsha qalamyz respýblikada kósh basynan kórindi.
Al, aýylsharýashylyǵynyń ónim kólemi 9,3 mlrd. teńgeni qurap, naqty kólem indeksi 1,6 paiyzǵa ósken. Investitsiia kólemi 59,7 mlrd. teńgeni qurap,
25,2 paiyzǵa artty. Ósim boiynsha qalamyz respýblikada birinshi bestikke kirdi. Sonymen qosa, qurylys jumystarynyń kólemi 19 mlrd.teńgeni qurap, 22,5 paiyzǵa ósti.
Investitsiia jáne qurylys jumystarynyń ósimi «PKOP» JShS – munai óńdeý zaýytynda qaita qurý jáne jańa qural-jabdyqtar alý, «Hevel Kazahstan» JShS-men kún elektrstantsiiasynyń, jol airyǵy, turǵyn úi qurylysy esebinen boldy.
Al, jalpy saýda kólemi 103,9 paiyzdy qurasa, kólik kólemi 105,9 paiyzdy qurap, respýblikada kósh bastady.
