Shymkent. Bir aptada 90 myńnan astam qońyraýyn qabyldady
Budan bólek, 49 qyzmetker qyzmetalýshylardy «Mobildik azamattar bazasynda» tirkep, beineqońyraýlardy qabyldaýǵa jumyldyrylǵan. Bir apta ishinde olar 20myńnan astam beineqońyraý qabyldap úlgerdi.
Qazaqstandaǵy biryńǵai bailanys ortalyǵy jumys kúnderi saǵat 9.00-den 20.00-ge deiin jumys isteidi, al demalys kúnderi olarmen saǵat 9.00-den 14.00-ge deiin al bailanysýǵa bolady. Qońyraý shalý tegin.
«Azamattarǵa arnalǵan úkimet» memlekettik korporatsiiasynyń Shymkent boiynsha filialynyń ókili Altynai Tataevanyń aitýynsha, memlekettik qyzmet máseleleri jónindegi biryńǵai bailanys ortalyǵyna Shymkent qalasy boiynsha orta eseppen kúnine 18 000-ǵa jýyq adam habarlasady.
«Jeti kún ishinde bizdiń bailanys ortalyǵyna 90 myńnan astam qońyraý kelip tústi. Negizinen azamattardy tótenshe jaǵdai kezinde tabysynan aiyrylýyna bailanysty taǵaiyndalatyn 42 500 teńge járdemaqysyn alý, egov.kz arqyly anyqtamaǵa qol jetkizý, sondai-aq, AÁK tólemderin taǵaiyndaý boiynsha suraqtar mazalaidy», - deidi Altynai Tataeva. Ol sondai-aq, biryńǵai bailanys ortalyǵyna habarlasýshylardyń kóptigin eskerip, shymkenttikterdi shydamdylyq tanytyp, sabyrly bolýdy surady.
Eske sala keteiik, qazaqstandyqtar memlekettik qyzmetti elektrondyq formatta ala alady. Qazirgi ýaqytta memlekettik qyzmettiń 87% elektrondy úkimet portaly arqyly qoljetimdi, sondai-aq, keibir qyzmetter men servisterdi EgovMobile mobildik qosymshasy, eGovKzBot2.0 telegramm-botynan jáne Facebook, Vk áleýmettik jelilerindegi egov chat-bottarynan alýǵa bolady.
