Búgin júk ushaǵy Parij baǵytynan Shymkent qalasynyń áýejaiyna alǵash ret qondy. Áýejai basshylyǵy ekipajdy jyly qabyldaýdy uiymdastyrdy.
Parij-Shymkent-Hainan baǵytymen qatynaityn áýe kemesiniń tehnikalyq qonýy "FTL airlines" frantsýz júk tasymaldaýshysy arasyndaǵy ýaǵdalastyqtar aiasynda Shymkent áýejaiynda uiymdastyryldy.
Aita keteiik, aldaǵy ýaqytta Shymkentke júk aviatasymaldaryn turaqty túrde uiymdastyrý josparlanýda. Bul megapolistiń logistikalyq infraqurylymyn damytýda mańyzdy qadam bolady.
Esterińizge sala keteiik, Memleket basshysy halyqqa Joldaýynda
Qazaqstannyń Eýraziiadaǵy toraptyq tranzittik hab retinde óz pozitsiiasyn kúsheitip, tolyqqandy kóliktik-logistikalyq derjavaǵa ainalýǵa tiis ekenine toqtalǵan bolatyn.
Kólik-logistika salasy eldiń ekonomikalyq damýynyń lokomotivteriniń birine ainalýy qajet.
Shymkenttegi "Saýda-logistikalyq ortalyq" aýmaǵynyń joǵary júktemesine bailanysty habtyń jalpy aýdanyn 92-den 136,29 gektarǵa deiin keńeitý týraly sheshim qabyldandy.
Búgingi tańda munda jalpy quny 25,2 mlrd. teńge bolatyn 4 investitsiialyq joba iske asyrylyp, 285 jumys orny ashyldy.
Qazirgi ýaqytta jalpy quny 59 mlrd. teńgeni quraityn 29 investitsiialyq jobanyń pýly quryldy.
Shymkent qalasy ákiminiń baspasóz qyzmeti
