بٷگٸن جٷك ۇشاعى پاريج باعىتىنان شىمكەنت قالاسىنىڭ ەۋەجايىنا العاش رەت قوندى. ەۋەجاي باسشىلىعى ەكيپاجدى جىلى قابىلداۋدى ۇيىمداستىردى.
پاريج-شىمكەنت-حاينان باعىتىمەن قاتىنايتىن ەۋە كەمەسٸنٸڭ تەحنيكالىق قونۋى "FTL airlines" فرانتسۋز جٷك تاسىمالداۋشىسى اراسىنداعى ۋاعدالاستىقتار اياسىندا شىمكەنت ەۋەجايىندا ۇيىمداستىرىلدى.
ايتا كەتەيٸك, الداعى ۋاقىتتا شىمكەنتكە جٷك اۆياتاسىمالدارىن تۇراقتى تٷردە ۇيىمداستىرۋ جوسپارلانۋدا. بۇل مەگاپوليستٸڭ لوگيستيكالىق ينفراقۇرىلىمىن دامىتۋدا ماڭىزدى قادام بولادى.
ەستەرٸڭٸزگە سالا كەتەيٸك, مەملەكەت باسشىسى حالىققا جولداۋىندا
قازاقستاننىڭ ەۋرازيياداعى توراپتىق ترانزيتتٸك حاب رەتٸندە ٶز پوزيتسيياسىن كٷشەيتٸپ, تولىققاندى كٶلٸكتٸك-لوگيستيكالىق دەرجاۆاعا اينالۋعا تيٸس ەكەنٸنە توقتالعان بولاتىن.
كٶلٸك-لوگيستيكا سالاسى ەلدٸڭ ەكونوميكالىق دامۋىنىڭ لوكوموتيۆتەرٸنٸڭ بٸرٸنە اينالۋى قاجەت.
شىمكەنتتەگٸ "ساۋدا-لوگيستيكالىق ورتالىق" اۋماعىنىڭ جوعارى جٷكتەمەسٸنە بايلانىستى حابتىڭ جالپى اۋدانىن 92-دەن 136,29 گەكتارعا دەيٸن كەڭەيتۋ تۋرالى شەشٸم قابىلداندى.
بٷگٸنگٸ تاڭدا مۇندا جالپى قۇنى 25,2 ملرد. تەڭگە بولاتىن 4 ينۆەستيتسييالىق جوبا ٸسكە اسىرىلىپ, 285 جۇمىس ورنى اشىلدى.
قازٸرگٸ ۋاقىتتا جالپى قۇنى 59 ملرد. تەڭگەنٸ قۇرايتىن 29 ينۆەستيتسييالىق جوبانىڭ پۋلى قۇرىلدى.
شىمكەنت قالاسى ەكٸمٸنٸڭ باسپاسٶز قىزمەتٸ
