Onyń aitýynsha, Shymkent qalasyndaǵy aýmaǵy 427 gektardy quraityn «Shymkent city» shaǵyn aýdanynda «Shymkent arena» sport kesheni salynady. Osy jyly qurylysy bastalatyn bul sporttyq nysanda kúres pen atletter zaly, saýda men tamaqtaný jáne ákimshilik blogtary, qonaq úi, bassein qarastyrylǵan. Jobalyq quny 17,2 mlrd. teńge bolatyn keshen zamanaýi qurylǵylarmen jabdyqtalmaq.
Sonymen qatar ákim atalǵan shaǵyn aýdanda jalpy alańy 18 450 sharshy metr bolatyn «KONGRESS HOLL» jobasy boi túzeitinin de aityp ótti. Quny 20,5 mlrd. teńge bolatyn nysan qurylysy 2018-2021 jyldar aralyǵynda júrgizilmek.
Shymkent qalasyn jan-jaqty damytý jaiy Elbasynyń tikelei baqylaýynda ekenin aitqan oblys ákimi negizgi jumystar qalanyń arhitektýralyq kelbetin jaqsartý, infraqurylymyn damytý men abattandyrý, kógaldandyrýǵa baǵyttalatynyn jetkizdi.
– Qalanyń birneshe kóshelerinen ashylatyn Arbat – shahardyń eń kórikti mekenine ainalady. Budan bólek, Qoshqar ata ózeni jaǵalaýy jobasyn júzege asyrsaq, Shymkent tarihi qalashyǵyn jańǵyrtý jobasyn da qolǵa aldyq. Sonymen qatar, Shymkent áýejaiyna jyldyq jolaýshy aǵymy 2 milliondy quraityn jańa zamanaýi terminal salý josparymyzda bar, – dedi J.Túimebaev.
Esepti kezdesý barysynda ákim ótken aptada Úkimet tarapynan Shymkent qalasymen qosa Báidibek, Qazyǵurt, Ordabasy, Sairam, Saryaǵash, Tólebi, Túlkibas aýdandary men Arys qalasynyń strategiialyq qajettilikterin qamtityn «Shymkent aglomeratsiiasynyń aýmaqtaryn damytýdyń óńiraralyq shemasy» bekitilgenin aitty. Bul oblys ortalyǵy men onyń ainalasynda ornalasqan aýdan, qala aýmaqtarynyń qarqyndy damýyna serpin beretini anyq.
OQO ákiminiń baspasóz qyzmeti
