Prezident Shymkent qalasynyń ákimi Ǵabit Syzdyqbekovti qabyldady, dep habarlaidy Dalanews.kz.
Memleket basshysyna qalanyń biylǵy birinshi jartyjyldyqtaǵy áleýmettik-ekonomikalyq damýy jaiynda esep berildi.
Ǵabit Syzdyqbekov:
Jyl basynan beri negizgi kapitalǵa salynǵan investitsiia kólemi 31 paiyzǵa ulǵaiyp, 360 milliard teńgeni quraǵanyn jetkizdi.
Biyl ónerkásip salasynda jalpy quny 680 milliard teńge bolatyn ónim óndirilgen.
Qurylys qarqyn alyp, 517 myń sharshy metrden astam turǵyn úi paidalanýǵa berilgen.
Shymkenttiń ónerkásiptik áleýetin arttyrý úshin «Juldyz» jáne «Bozaryq» jańa indýstriialyq aimaqtary iske qosylǵanyn aitty.
Shaharda shaǵyn jáne orta biznes sýbektileriniń sany 139 myńnan asty. Atalǵan sektorda 245 myńǵa jýyq adam jumys isteidi.
Shymkent qalasynyń infraqurylymyn jańǵyrtý jumystary jaiynda baiandady.
Jańa áýejai terminaly salynyp, temirjol vokzaly rekonstrýktsiiadan ótti.
«Keleshek mektepteri» ulttyq jobasy aiasynda 12 mektep jáne Oqýshylar saraiy paidalanýǵa berildi. Shaǵyn fýtbol ortalyǵy men sport kesheni boi kóterdi.
Jol-kólik infraqurylymynyń damýy jóninde aitty.
Ońtústik ainalma joly jáne 2 iri jolairyq paidalanýǵa berildi. Qoǵamdyq qaýipsizdikti qamtamasyz etý úshin byltyr – 2 270, biyl 2 743 kóshe jaryqtandyryldy.
Prezident tapsyrmasyna sai, aktivterdi memleket menshigine qaitarý jumystary jalǵasyp jatyr.
Atap aitqanda, Muz saraiy, Ortalyq sý sporty kesheni, №2 qalalyq emhana, «Qiial álemi» tehnoparki men «Keń baba» saiabaǵy memleket menshigine ótken.
Prezident:
Qala ekonomikasyn odan ári ártaraptandyrý, qosymsha investitsiia tartý, shaǵyn jáne orta biznesti qoldaý sharalaryn kúsheitý, áýejaiǵa jańa ushý-qoný jolaǵyn tóseý, mektepterdegi oryn tapshylyǵy máselesin sheshý, qala turǵyndaryn baspanamen qamtý, sondai-aq jol infraqurylymyn jańǵyrtý jóninde naqty mindetter júktedi.
