پرەزيدەنت شىمكەنت قالاسىنىڭ اكىمى عابيت سىزدىقبەكوۆتى قابىلدادى، دەپ حابارلايدى Dalanews.kz.
مەملەكەت باسشىسىنا قالانىڭ بيىلعى ءبىرىنشى جارتىجىلدىقتاعى الەۋمەتتىك-ەكونوميكالىق دامۋى جايىندا ەسەپ بەرىلدى.
عابيت سىزدىقبەكوۆ:
جىل باسىنان بەرى نەگىزگى كاپيتالعا سالىنعان ينۆەستيسيا كولەمى 31 پايىزعا ۇلعايىپ، 360 ميلليارد تەڭگەنى قۇراعانىن جەتكىزدى.
بيىل ونەركاسىپ سالاسىندا جالپى قۇنى 680 ميلليارد تەڭگە بولاتىن ءونىم وندىرىلگەن.
قۇرىلىس قارقىن الىپ، 517 مىڭ شارشى مەتردەن استام تۇرعىن ءۇي پايدالانۋعا بەرىلگەن.
شىمكەنتتىڭ ونەركاسىپتىك الەۋەتىن ارتتىرۋ ءۇشىن «جۇلدىز» جانە «بوزارىق» جاڭا يندۋستريالىق ايماقتارى ىسكە قوسىلعانىن ايتتى.
شاھاردا شاعىن جانە ورتا بيزنەس سۋبەكتىلەرىنىڭ سانى 139 مىڭنان استى. اتالعان سەكتوردا 245 مىڭعا جۋىق ادام جۇمىس ىستەيدى.
شىمكەنت قالاسىنىڭ ينفراقۇرىلىمىن جاڭعىرتۋ جۇمىستارى جايىندا باياندادى.
جاڭا اۋەجاي تەرمينالى سالىنىپ، تەمىرجول ۆوكزالى رەكونسترۋكسيادان ءوتتى.
«كەلەشەك مەكتەپتەرى» ۇلتتىق جوباسى اياسىندا 12 مەكتەپ جانە وقۋشىلار سارايى پايدالانۋعا بەرىلدى. شاعىن فۋتبول ورتالىعى مەن سپورت كەشەنى بوي كوتەردى.
جول-كولىك ينفراقۇرىلىمىنىڭ دامۋى جونىندە ايتتى.
وڭتۇستىك اينالما جولى جانە 2 ءىرى جولايرىق پايدالانۋعا بەرىلدى. قوعامدىق قاۋىپسىزدىكتى قامتاماسىز ەتۋ ءۇشىن بىلتىر – 2 270، بيىل 2 743 كوشە جارىقتاندىرىلدى.
پرەزيدەنت تاپسىرماسىنا ساي، اكتيۆتەردى مەملەكەت مەنشىگىنە قايتارۋ جۇمىستارى جالعاسىپ جاتىر.
اتاپ ايتقاندا، مۇز سارايى، ورتالىق سۋ سپورتى كەشەنى، №2 قالالىق ەمحانا، «قيال الەمى» تەحنوپاركى مەن «كەڭ بابا» ساياباعى مەملەكەت مەنشىگىنە وتكەن.
پرەزيدەنت:
قالا ەكونوميكاسىن ودان ءارى ءارتاراپتاندىرۋ، قوسىمشا ينۆەستيسيا تارتۋ، شاعىن جانە ورتا بيزنەستى قولداۋ شارالارىن كۇشەيتۋ، اۋەجايعا جاڭا ۇشۋ-قونۋ جولاعىن توسەۋ، مەكتەپتەردەگى ورىن تاپشىلىعى ماسەلەسىن شەشۋ، قالا تۇرعىندارىن باسپانامەن قامتۋ، سونداي-اق جول ينفراقۇرىلىمىن جاڭعىرتۋ جونىندە ناقتى مىندەتتەر جۇكتەدى.
