Shymkent ákimdigi sáýlet basqarmasynyń basshysy ustalǵanyn rastady, dep habarlaıdy Dalanews.kz zakon.kz-ke siltep.
Bul týraly Shymkent qalasy ákiminiń orynbasary, ákimdik apparatynyń resmı ókili Sársen Quranbek málimdedi.
Ákimdik habary boıynsha Arman Ábdeshovtiń tutqyndalý sebebi burynǵy jumysyna baılanysty boldy, ıaǵnı Shymkenttegi qyzmetine qatysy joq.
"Áleýmettik jelide tarap jatqan sondaı aqparattyń bar ekenin rastaımyz. Bul ol azamattyń, memlekettik qyzmetkerdiń bizdegi, Shymkent qalasynda atqarǵan jumysyna emes, osyǵan deıingi oryndaǵan jumystaryna qatysty ekenin málimdeımiz. Quzyrly organdar tarapynan ol kisiniń buryńǵy atqarǵan qyzmetine qatysty saýaldar týyndaǵany, soǵan qatysty másele týyndaǵany ras", – dedi Sársen Quranbek.
