شىمكەنت اكىمدىگى ساۋلەت باسقارماسىنىڭ باسشىسى ۇستالعانىن راستادى، دەپ حابارلايدى Dalanews.kz zakon.kz-كە سىلتەپ.
بۇل تۋرالى شىمكەنت قالاسى اكىمىنىڭ ورىنباسارى، اكىمدىك اپپاراتىنىڭ رەسمي وكىلى سارسەن قۇرانبەك مالىمدەدى.
اكىمدىك حابارى بويىنشا ارمان ابدەشوۆتىڭ تۇتقىندالۋ سەبەبى بۇرىنعى جۇمىسىنا بايلانىستى بولدى، ياعني شىمكەنتتەگى قىزمەتىنە قاتىسى جوق.
"الەۋمەتتىك جەلىدە تاراپ جاتقان سونداي اقپاراتتىڭ بار ەكەنىن راستايمىز. بۇل ول ازاماتتىڭ، مەملەكەتتىك قىزمەتكەردىڭ بىزدەگى، شىمكەنت قالاسىندا اتقارعان جۇمىسىنا ەمەس، وسىعان دەيىنگى ورىنداعان جۇمىستارىنا قاتىستى ەكەنىن مالىمدەيمىز. قۇزىرلى ورگاندار تاراپىنان ول كىسىنىڭ بۇرىڭعى اتقارعان قىزمەتىنە قاتىستى ساۋالدار تۋىنداعانى، سوعان قاتىستى ماسەلە تۋىنداعانى راس"، – دەدى سارسەن قۇرانبەك.
