Mamyr aiynyń qorytyndysy boiynsha ulttyq valiýtaǵa shaqqanda 1 AQSh dollary 510,82 teńgege, iaǵni 0,3%-ǵa nyǵaidy.Osylaisha mamyrda ulttyq valiýta azdap kúsh aldy, dep habarlaidy Dalanews.kz Ulttyq Banktiń baspasóz qyzmetine silteme jasap.
Mamyrda Ulttyq qordan 988 mln AQSh dollaryna valiýta satyldy. Bul respýblikalyq biýdjetke transfert bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 22%-yn nemese kúnine shamamen 52 mln AQSh dollaryn qurady.
Respýblikalyq biýdjetke transfert bólýge arnalǵan Úkimettiń aldyn ala boljamdy ótinimderi boiynsha, maýsymda Ulttyq Bank Ulttyq qordan 700 millionnan 800 mln AQSh dollaryna deiingi mólsherde valiýta satylady dep boljaidy.
Mamyrda "shaǵylystyrý" operatsiiasy aiasynda 213 mlrd teńge alyndy. Maýsym ishinde osy maqsatta 213 mlrd teńgege balamaly mólsherde valiýta satylady dep kútilýde.
Ulttyq Bank mamyrda valiýtalyq interventsiia júrgizgen joq.
Ótken aidyń qorytyndysy boiynsha, valiýtalyq túsimniń bir bóligin mindetti satý normasy aiasynda kvazimemlekettik sektor sýbektileriniń valiýtalyq túsimdi satý kólemi shamamen 356 mln AQSh dollaryn qurady.
BJZQ zeinetaqy aktivteriniń valiýtalyq úlesin 40% deńgeiinde ustap turý maqsatynda Ulttyq Bank mamyrda birjadaǵy saýda-sattyqta shetel valiýtasyn satyp aldy. Onyń jalpy somasy 250 mln AQSh dollaryn nemese jalpy saýda-sattyq kóleminiń shamamen 6%-yn qurady.
"Ulttyq Bank BJZQ zeinetaqy aktivterin senimgerlikpen basqarýshy retinde uzaqmerzimdi kezeńde naqty kiris alýdy jáne onyń saqtalýyn qamtamasyz etýdi basty nazarda ustaidy. Osyǵan bailanysty valiýta naryqtyq koniýnktýraǵa bailanysty satyp alynady. Bul rette, osy maqsatta maýsymda valiýtany satyp alý kólemi 250 mln AQSh dollarynan aspaidy", delingen habarlamada.
