Kúni keshe ótken ákimdik otyrysynda oblys basshysy meshitke jumys ýaqytynda barýǵa bolmaityndyǵyn aityp, juma namazyn syltaýratyp jeke bas sharýalaryn bitiretin qyzmetkerlerdi tártipke shaqyrdy. Sondyqtan oblys basshysy «Konstitýtsiia printsipterin qurmetteý barshamyzǵa mindet, zaiyrly qoǵamda ómir súremiz sony umytpańyzdar», - dep atap ótti.
Ákim óz sózinde «meshitke múlde barmańdar, dinnen aýlaq bolyńdar», dep úgit-nasihat júrgizbedi jáne olai aityp turmaǵanyn kózi ashyq, kókiregi oiaý árbir adamnyń uqqany anyq. Tek memlekettik qyzmette ǵana emes, kez-kelgen mekemeniń ishki tártibinde jumys ýaqytynda qyzmet ornyn bos qaldyryp, syltaýratyp ketip qalý syndy ádetterge shekteý qoiylǵan.
Alaida, áleýmettik jeliler men internet saittarda qoǵamnyń ártúrli qyzý pikir-talasyn týdyrǵan osy bir jait, jýrnalister qaýymynyń da óz aitarlaryna joǵarǵy jaýapkershilikpen qaraýlaryn eskerteri anyq.
Oraiy kelgen osy tusta, oblys ákimi D. Ahmetov alǵash osy qyzmetke taǵaiyndalǵan kúni óńirdegi eń birinshi barǵan nysany da oblystyq meshit bolǵanyn aitai ketpeske bolmas....
Erlan Jakýpov,
Shyǵys Qazaqstan oblysy
ákim apparatynyń baspasóz
hatshysy
