Ákimniń qabyldaýyna kelgen estý qabileti nashar balanyń anasy Nazgúl Jákenova óńirde balalarǵa arnalǵan estý apparattary tapshy ári qymbat ekenin aityp muńyn shaqty.
Qyzy Máriiam qazir estý appartynyń kómegimen júredi. Mektepke barady, sýret ónerimen ainalysady.
- Oblysta qulaǵy nashar estitin balalar arnaiy apparattarmen qamtamasyz etiledi. Alaida olar balalarǵa arnalmaǵan, yńǵaisyz jáne ony dárigerlerdiń ózderi de biledi. Sebebi ár balanyń estý deńgeii ártúrli, -deidi Nazgúl Jákenova.
Al qazirgi ýaqytta arnaiy ár balanyń jaǵdaiyna qarai túzep, yńǵaily qoldanylatyn tsifrly apparattar bar.
Alaida óńir balalary ol qurylǵyǵa qol jetkize almai otyr. Óitkeni qymbat.
Oblys əkimi Danial Ahmetov azamattardy qabyldaǵan kezde densaýlyq saqtaý basqarmasynyń basshysyna osy məselege bailanysty tapsyrma berdi.
Osy oraida bir aidyń ishinde oblystaǵy estý qabileti nashar balalardyń barlyǵyn tekserýden ótkizip, jalpy sanyn anyqtaý tapsyryldy.
- Apparat 800 myń nemese 80 myń tursa da, árqaisysyna arnap satyp alamyz,- dedi Danial Ahmetov.
Aldaǵy 2-3 jylda aimaqtyń qulaǵy nashar estitin balalary qajetti estý apparattarymen qamtamasyz etiledi.
