اكىمنىڭ قابىلداۋىنا كەلگەن ەستۋ قابىلەتى ناشار بالانىڭ اناسى نازگۇل جاكەنوۆا وڭىردە بالالارعا ارنالعان ەستۋ اپپاراتتارى تاپشى ءارى قىمبات ەكەنىن ايتىپ مۇڭىن شاقتى.
قىزى ءماريام ءقازىر ەستۋ اپپارتىنىڭ كومەگىمەن جۇرەدى. مەكتەپكە بارادى، سۋرەت ونەرىمەن اينالىسادى.
- وبلىستا قۇلاعى ناشار ەستيتىن بالالار ارنايى اپپاراتتارمەن قامتاماسىز ەتىلەدى. الايدا ولار بالالارعا ارنالماعان، ىڭعايسىز جانە ونى دارىگەرلەردىڭ وزدەرى دە بىلەدى. سەبەبى ءار بالانىڭ ەستۋ دەڭگەيى ءارتۇرلى، -دەيدى نازگۇل جاكەنوۆا.
ال قازىرگى ۋاقىتتا ارنايى ءار بالانىڭ جاعدايىنا قاراي تۇزەپ، ىڭعايلى قولدانىلاتىن سيفرلى اپپاراتتار بار.
الايدا ءوڭىر بالالارى ول قۇرىلعىعا قول جەتكىزە الماي وتىر. ويتكەنى قىمبات.
وبلىس اكىمى دانيال احمەتوۆ ازاماتتاردى قابىلداعان كەزدە دەنساۋلىق ساقتاۋ باسقارماسىنىڭ باسشىسىنا وسى ماسەلەگە بايلانىستى تاپسىرما بەردى.
وسى ورايدا ءبىر ايدىڭ ىشىندە وبلىستاعى ەستۋ قابىلەتى ناشار بالالاردىڭ بارلىعىن تەكسەرۋدەن وتكىزىپ، جالپى سانىن انىقتاۋ تاپسىرىلدى.
- اپپارات 800 مىڭ نەمەسە 80 مىڭ تۇرسا دا، ءارقايسىسىنا ارناپ ساتىپ الامىز،- دەدى دانيال احمەتوۆ.
الداعى 2-3 جىلدا ايماقتىڭ قۇلاعى ناشار ەستيتىن بالالارى قاجەتتى ەستۋ اپپاراتتارىمەن قامتاماسىز ەتىلەدى.
