– Aýrýdyń taralýy oblystyń 7 óńirinde anyqtaldy, Zaisan aýdanynda 8 jaǵdai, Tarbaǵatai aýdanynda jáne Óskemen qalasynda 5 jaǵdai, Kúrshim aýdanynda 3 jaǵdai, Ulan aýdanynda 2 jaǵdai jáne Ridder qalasy men Glýbokoe aýdanynda 1 jaǵdai. Sondai-aq, 14 jasqa deiingi balalar arasynda saryp aýrýymen aýyrýdyń 4 jaǵdaiy tirkeldi. Jasóspirimder arasynda aýrý tirkelmegen. Adamdar arasynda saryp aýrýynyń juǵýyna aýyl sharýashylyǵy janýarlary sebep boldy, bir naýqas donor retinde anyqtaldy, – dedi spiker..
Sonymen qatar, jyl basynan beri oblysta Óskemen qalasynda Sibir jarasynyń bir kúdikti jaǵdaiy tirkelipti.
– Epidemiiaǵa qarsy barlyq qajetti is-sharalar ótkizildi. Zerthanalyq saraptamalardyń jáne teris nátijelerdiń negizinde diagnoz alynyp tastaldy, – dep atap ótti Sáýle Sliamǵazina.
Sonymen qatar, 2023 jyldyń 8 aiynda oblystyń emdeý-profilaktikalyq mekemelerine jándikterdiń shaǵýynan, janýarlardyń tyrnaýy men silekeiinen zardap shekken 1418 adam júgingen.
– Barlyq zardap shekkenderge antirabiialyq egý kýrsy taǵaiyndalyp, 3 jaǵdaida azamattar immýndaýdan bas tartsa, 1 jaǵdaida profilaktikalyq egýlerdi óz betinshe alýdy toqtatty, – dep qosty ShQO SEBD basshysynyń orynbasary.
Oblystyń barlyq aýdandary men qalalarynda jyl saiyn "qaýiptiler toptary" kontingentine qutyrýǵa qarsy josparly profilaktikalyq immýndaý júrgiziledi, 2023 jyldyń aǵymdaǵy kezeńinde 274 adam egildi.
Al veterinarlardyń málimetinshe, jyl basynan beri ShQO boiynsha qutyrý aýrýynyń 5 oshaǵy tirkelgen. Bul jaǵdailarda shekteý sharalary engizildi.
– Jabaiy etqorektiler aýrýdyń kózi bolyp tabylady. Jergilikti ańshylardyń kómegshimen jabaiy túlki ustalyp, onyń etin zerthanada jasalǵan saraptama nátijesinde túlkiden qutyrý aýrýyn anyqtady. Naýryz aiynda Katonqaraǵai aýdanynda usaq tuiaqtylarda sheshek aýrýynyń 3 oshaǵy tirkeldi. Bul oshaqtardaǵy 8500 bas janýarlarǵa vaktsina egildi, májbúrli jáne qorytyndy dezinfektsiia júrgizildi, – dedi mamandar.
