Shyǵystaǵy Altai aýdanynda mádeni salaǵa qumbyl kóńil bólinýde
Altaidyń mádeniet salasy keiingi jyldary tipten túrlene túskendei. Bul týraly aýdan basshysynyń óz aýzynan estidik.
– Qazirgi ýaqytta aýdanda 13 klýbtyq mekeme, 27 kitaphana jáne Dostyq úii jumys istep tur. Serebrianskide eski ákimshilik ǵimarattardyń birin jóndep, kópfýnktsionaldy mádeni-demalys kesheni etpek oiymyz bar. Bes qabatty ǵimaratta mádeniet úii, shyǵarmashylyq baǵyttaǵy túrli úiirmeleri bar mýzyka mektebi jáne sport zaldary bolady dep josparlap otyrmyz, – deidi Altai aýdanynyń ákimi Qalihan Baiǵonysov.
Ákimniń aitýynsha 2013 jyly burynǵy «Gorniak» Mádeniet úiin «Gorniak» mádeni-demalys ortalyǵy retinde qaita qurylǵan. Búginde atalmysh ortalyqta hor, án jáne bi ansamblderi, folklorlyq, otbasylyq ansamblder, halyq aspaptary orkestrleri, horeografiialyq, dramalyq, estradalyq, vokaldyq ujymdar – jalpy 67 shyǵarmashylyq ujym jumys isteidi. Barlyǵy 61 qatysýshy bar. 597 adamdy qamtyǵan 48 shyǵarmashylyq úiirme de jumys istep tur.
Al 2020 jyly Jańa Buqtyrma kentiniń jáne Parygino aýylynyń mádeniet úileri jańartylypty.
– Mádeniet salasyndaǵy mańdaialdy bes ujymdy erekshe atap ótkim keledi. Olar: «Zyrianochka» bi ansambli, «Miriane», «Sýdarýshki», «Tovarýshki» halyqtyq folklorlyq ansamblderi, «Ýzore» balalar úlgili folklorlyq ansambli. Basqa da ujymdary tabysty óner kórsetýde. Aitalyq PRESTISSIMO vokaldyq stýdiiasynyń tárbielenýshileri jáne «Assorti» vokaldyq ansambli, – dep túiindedi aýdan ákimi.
Elimiz Táýelsizdik alǵan sátten bastap órkendegen Altaidyń mádeniet salasy aldaǵy ýaqytta da aýdannyń atyn áigileidi dep senemiz
