Almaty ákimdigi ókilderi jylý bolmaǵan jaǵdaida qaida júginý kerek ekenin eske saldy, dep habarlaidy dalanews.kz.
Qaida habarlasý kerek?
Biylǵy jylytý maýsymy qarsańynda táýlik boiy "Jedel áreket etý shtaby" jumys isteidi. Jylý bolmaǵan, sý aqqan nemese aqaý týyndaǵan jaǵdaida turǵyndar 109 jedel jelisine, 225-14-31 nómiri boiynsha biryńǵai dispetcherlik ortalyqqa, sondai-aq, kóppáterli turǵyn úilerdi basqarý organdaryna júgine alady.
"Jylytý nysandaryn ortalyq júiege qosý kezeń-kezeńimen júrgiziledi. Aldymen jylý áleýmettik mańyzy bar nysandarǵa - bilim berý, densaýlyq saqtaý, áleýmettik qorǵaý uiymdaryna jáne turǵyndar úshin mańyzdy basqa da nysandarǵa beriledi. Odan keiin kóppáterli turǵyn úiler men ózge de nysandar jylý júiesine qosylady", – dedi basqarma ókilderi.
Turǵyndar ne isteýi kerek?
Turǵyndarǵa jylytý maýsymy bastalǵanǵa deiin páterlerdegi radiatorlar men bekitý armatýrasynyń jaramdylyǵyn tekserý qajet. Jylytý júiesine óz betinshe tiisýge, sonyń ishinde radiatorlardy alyp tastaýǵa nemese júiedegi sýdy aǵyzýǵa bolmaidy. Mundai áreketter apatqa, jylytý júiesi jumysy buzylýyna ákep soǵýy múmkin.
Ótinishti taǵy qaida joldaýǵa bolady?
Ótinishti Open Almaty jáne e-Otinish servisteri arqyly, sondai-aq, basqarmanyń áleýmettik jelilerdegi resmi paraqshalaryna da joldaýǵa bolady.
Eske salaiyq, Almatyda jylytý maýsymyn 9 qazanda bastaý josparlanǵan.
