Naýryzbai aýdanynda meditsinalyq infraqurylym damyp, jańa emhanalar ashylýda. Bul týraly Óńirlik kommýnikatsiialar qyzmetiniń brifinginde Naýryzbai aýdanynyń ákimi Nazira Asylbekqyzy Toǵyzbaeva málimdedi, dep habarlaidy dalanews.kz.
Naýryzbai aýdanynda turǵyndarǵa meditsinalyq kómektiń qoljetimdiligin arttyrý maqsatynda jańa emhanalar men otbasylyq dárigerlik ambýlatoriialar salynýda.
2026 jyly Quramys, Shuǵyla jáne Aqjar shaǵynaýdandaryndaǵy meditsinalyq nysandardy paidalanýǵa berý josparlanǵan.
«Quramys» shaǵynaýdanynda 500 adamǵa arnalǵan klinikalyq-diagnostikalyq ortalyǵy bar emhana salynyp jatyr. Nysandy 2026 jyldyń jeltoqsanynda aiaqtaý kózdelgen. Sonymen qatar, Shuǵyla shaǵynaýdanynda 500 adamǵa arnalǵan emhananyń qurylysy júrgizilýde, ony qarasha aiynda paidalanýǵa berý josparlanǵan.
Aqjar shaǵynaýdanynda 200 adamǵa arnalǵan otbasylyq dárigerlik ambýlatoriianyń qurylysy júrip jatyr. Al Tastybulaq shaǵynaýdanynda osyndai 200 oryndyq ambýlatoriia salý josparlanǵan, joba boiynsha memlekettik saraptama qorytyndysy jyl sońyna deiin kútilýde.
Sonymen qatar, №7 qalalyq klinikalyq aýrýhanasyn jańǵyrtý jumystary júrgizilýde. №1 qalalyq klinikalyq aýrýhana boiynsha jobalyq-smetalyq qujattamany ázirleý jumystaryn 2026 jyldyń qarasha aiynda aiaqtaý josparlanǵan.
Jańa nysandardyń iske qosylýy aýdan turǵyndary úshin meditsinalyq qyzmetterdiń qoljetimdiligin arttyrýǵa múmkindik beredi.
