Ákim qolǵa alynatyn sharalar áleýmettik infraqurylymy saqtalǵan 13 eldi mekenge qatysty ekenin tilge tiek etti. Bul rette aýyl turǵyndary orta jáne mektepke deiingi bilim berý, densaýlyq saqtaý, mádeniet jáne sport qyzmetterimen qamtamasyz etilgen. Alaida, olardy qarjylandyrý qazirgi aýdan ortalyqtaryna qaraǵanda edáýir az ekenin atap ótken jón. Budan basqa, turǵyn úi-kommýnaldyq salada, sondai-aq jol infraqurylymynda problemalar bar.
– Barlyq burynǵy aýdan ortalyqtary kósheleriniń 44%-y ǵana jaqsy jáne qanaǵattanarlyq jaǵdaida. Qainar, Bozanbai, Barshatas aýyldaryndaǵy, Serebriansk qalasyndaǵy joldardyń jaǵdaiy nashar. Halyqty sýmen jabdyqtaýdyń tómen deńgeii Maqanshy jáne Bozanbai aýyldarynda baiqalady. Sondai-aq, burynǵy aýdan ortalyqtarynda rekreatsiialyq jáne sporttyq qurylystar jelisi nashar damyǵan. Turǵyn úi qurylysyn jandandyrý qajet. Kezekte 722 adam tur, olardyń kópshiligi Serebriansk qalasynda – 153, Maqanshy aýylynda – 109 jáne Samarda 94 adam. Bizdiń mindetimiz – jaqyn mańdaǵy aýyldardan halyqty tarta otyryp, burynǵy aýdan ortalyqtaryn damytýǵa basa nazar aýdarý, naqty sektordyń ósýi jáne jańa jumys oryndaryn qurý úshin jaǵdai jasaý. Ol úshin aýdan ákimderi men Semei qalasynyń ákimine Ekonomika basqarmasymen birlesip, burynǵy aýdan ortalyqtaryn aldaǵy úsh jylǵa damytý baǵdarlamasyn jasaýdy tapsyramyn, – dedi Danial Ahmetov.
Oblys ákimi ShQO aýmaǵyn vektorlyq damytýda 5 shekaralas aýdan boiynsha tájiribe bar ekenin aitty. Halyqtyń ómir súrý sapasyn jaqsartýǵa baǵyttalǵan Keshendi jospardyń arqasynda byltyr Kúrshim jáne Úrjar aýyldarynda 2 júzý basseini, Maqanshy aýylynda sport modýli salyndy. 17 ekipáterli turǵyn úi paidalanýǵa berilip, 3 kóppáterli úidiń qurylysy bastaldy, 105 bilim berý, 6 – densaýlyq saqtaý, 9 – sport, 31 – mádeniet nysandary, 270 km-den astam joldar men kósheler jóndeldi.
Tarbaǵatai, Kúrshim jáne Úrjar aýdandarynyń aýyldaryna sýmen jabdyqtaý jelileri tartyldy, 18 eldi mekende blokty-modýldi stantsiialar ornatyldy. Shekara mańyndaǵy aýdandar aýrýhanalarynyń perzenthana bólimshelerin 2 deńgeige aýystyrý úshin 989 mln.teńgege meditsinalyq jabdyqtar satyp alyndy.
Aǵymdaǵy jyly 4 kóppáterli turǵyn úi, 8 sý qubyry, 4 dene shynyqtyrý-saýyqtyrý kesheni, 2 sporttyq modýl, 3 mádeniet nysanynyń qurylysy josparlanǵan. 39 áleýmettik sala nysandaryn, 12 sý qubyryn jáne 230 km astam joldar men kóshelerdi jóndeý qarastyrylǵan.
