Jas urpaq ata-analary men týystarynyń izimen júrýge sheshim qabyldaǵan erekshe jol. Bul tek mamandyq tańdaýda ǵana emes, sonymen birge óz eline degen súiispenshilikte, respýblikanyń árbir azamatynyń onyń bolashaǵy úshin jaýapkershiligin túsinýde kórinedi. Máselen, Shyǵys Qazaqstan oblysynyń sailaý ýchaskelerinde otbasylarymen, áýletterimen sailaýǵa baryp jatqanyn atap ótý kerek.
Ridder qalasyndaǵy №144 sailaý ýchaskesinde Gýsliakovtardyń eńbek áýleti daýys berdi. Úsh urpaq Qaztsink JShS kásiporyndarynda eńbek etti jáne áli de eńbek etýde. Evgenii Nikolaevichtiń ózi "Kaztsinkmash" JShS-de, onyń jubaiy Ridder metallýrgiia kesheninde jumys isteidi. Aǵa býyn, ata-analar, "Kaztsinkmash" JShS-de jumys istedi. Qazir olar laiyqty demalysta. Evgenii Nikolaevichtiń uly Ridder-Sokolnyi kenishinde eńbek etýde. Mine Gýsliakovtardai tatý otbasy azamattyq boryshyn óteýge keldi.
Altai aýdanynan kelgen Natalia Semenovna men Vladimir Iýrevich Kolesnikovtar ózderin baqytty adamdar dep sanaidy, óitkeni olar ómirlik kásipterin tapty. Olardy óz isine ǵashyq mamandar dep ataýǵa bolady. Olar ózderiniń eńbektegi tártipterin, patriotizmderi men jaýapkershilikterin búgin kórsete aldy.
– Qazaqstan Respýblikasynyń azamattary retinde biz óz elimizdiń bolashaǵy úshin daýys berýge keldik. Muny biz Qazaqstannyń bolashaǵyna qosqan úlesimiz dep sanaimyz, – dedi Natalia Semenovna.
Safronovtar otbasy da sailaýǵa bir adamdai keldi:
– Daýys berý – azamattardyń osy nemese basqa másele boiynsha óz pikirlerin bildirýdiń dástúrli tásilderiniń biri. Bul azamattar úshin azamattyq belsendilik tanytýdyń tamasha múmkindigi. Biz balalarymyzdyń bolashaǵy úshin daýys beremiz, – deidi olar.
Internatsionaldyq otbasy – bul kópultty Qazaqstannyń kishireitilgen modeli, el halqynyń birligi men kelisiminiń úlgisi.
– Bizde árkim ózge ulttyń dástúrlerin qurmetteidi. Barlyq otbasylar ózinshe biregei, biraq bizdi Otanymyzǵa degen súiispenshilik, balalarymyzdyń bolashaǵyna degen jaýapkershilik biriktiredi, – dep qosty Artamonov Ivan men Súleimenova Gúlnaranyń otbasy.
Olar sailaýda óz daýystaryn berip, búgingi tarihi oqiǵaǵa árkimniń qatysýynyń mańyzdylyǵyn atap ótti.
