Vitse-premer aldymen Semei qalasyndaǵy birneshe áleýmettik nysandy aralap, halyqpen kezdesti.
Onda Qazaqstan Prezidenti Qasym-Jomart Toqaevtyń halyqqa joldaýynda aitylǵan basym baǵyttar áńgimelenip, keler jylǵy qazaqtyń bas aqynynyń 175 jyldyq toiyna daiyndyq jaiy sóz boldy.
Berdibek Saparbaev Semeide jedel járdem aýrýhanasynyń jumysymen, ondaǵy jaqynda ashylyp, sátti jumys istep turǵan gibridtik operatsiia zalymen tanysty.
Munan keiin elektrotehnikalyq kolledjdegi atqarylyp jatqan ilkimdi jobalardy kórip, ustazdar qaýymymen júzdesti. Al qala halqymen ótken basqosýda Qazaqstan Prezidenti Qasym-Jomart Toqaevtyń joldaýynda aitylǵan mindetter egjei-tegjeili baiandaldy.
Úkimet basshysynyń orynbasary Berdibek Saparbaevtyń Shyǵys Qazaqstan oblysyna jasaǵan sapary Semei qalasynan keiin Abai aýdanynda jalǵasyn tapty. Munda ol birqatar áleýmettik nysandy aralap kórip, halyqpen kezdesti.
Onan keiin at basyn Jidebaiǵa tirep, osynda kelesi jyly ótetin Abai Qunanbaiulynyń 175 jyldyq mereitoiyna daiyndyq barysyn pysyqtap kórdi.
Berdibek Saparbaev bastaǵan Úkimettik delegatsiia munda da aýrýhana, mektep siiaqty nysandardy aralap, atqarylyp jatqan sharýalarmen tanysty.
Eń mańyzdysy, danyshpan aqynnyń týǵan jerinde kelesi jyly mańyzdy naýqan. Aqynnyń urpaqtary jáne aýyl aqsaqaldarymen kezdesýde 175 jyldyń mereitoidyń el mereiin ústem eter berekeniń bastaýy ekeni basa aityldy.
Jidebaida ótken basqosýda hakim Abaidyń muralaryn urpaq jadynda qaldyryp, shetelge nasihattaý jospary da aiqyndaldy.
–Jospardyń biri – Qunanbai atamyzdyń mýzeii. Snymen qatar abattandyrý jumystaryn, urpaqqa úlgi sharalardy qarastyryp jatyrmyz, – dedi Mádeniet jáne sport ministri Aqtoty Raiymqulova.
