Shyǵys Qazaqstan Aımaqtyq komýnıkasıalar qyzmetinde ótken baspasóz máslıhatynda oblystyq bilim basqarmasynyń basshysy Nurgeldi Ábjaparov málimdegendeı, mektepterge 791 361 dana oqýlyq tapsyryldy. Onyń ishinde 2,5,7 synyp oqýshylary bıyl jańartylǵan bilim berý mazmunyna kóshetindikten, 736 112 dana jańa mazmundaǵy oqýlyq alynǵan.
– Jańartylǵan mazmundaǵy bilim berý baǵdarlamasy aıasynda 5 373 pedagog biliktilikti arttyrý kýrstarynan ótkizildi. Jyldyń aıaǵyna deıin taǵy 2,5,7 synyptarǵa bilim beretin taǵy 4 000 pedagog mamandardy kýrstan ótkizýdi josparlaýdamyz. Oqý sapasyn arttyrý maqsatynda atqarylyp jatqan jumystar bunymen shektelip qalmaıdy. Aımaqta úsh aýysymdaǵy mektepterdi de joıý úshin jospar qurylýda, – dedi Nurgeldi Ábjapparov.
Bıylǵy jyly SHQO-da 7 mektep salynýda. Semeı qalasynda jáne Úrjar, Shemonaıha aýdandaryndaǵy bilim oshaqtary bıyl qoldanysqa berilmek. Buǵan qosa aımaqta úsh aýysymdaǵy mektepterdi joıý maqsatynda 4 mekteptiń qurylysy júrgizilýde. Onyń úsheýiniń qurylysy jyl sońyna deıin aıaqtalady.
https://dalanews.kz/29391
