شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتىندا وبلىستىق ءبىلىم باسقارماسىنىڭ باسشىسى نۇرگەلدى ءابجاپاروۆ مالىمدەگەندەي، مەكتەپتەرگە 791 361 دانا وقۋلىق تاپسىرىلدى. ونىڭ ىشىندە 2،5،7 سىنىپ وقۋشىلارى بيىل جاڭارتىلعان ءبىلىم بەرۋ مازمۇنىنا كوشەتىندىكتەن، 736 112 دانا جاڭا مازمۇنداعى وقۋلىق الىنعان.
– جاڭارتىلعان مازمۇنداعى ءبىلىم بەرۋ باعدارلاماسى اياسىندا 5 373 پەداگوگ بىلىكتىلىكتى ارتتىرۋ كۋرستارىنان وتكىزىلدى. جىلدىڭ اياعىنا دەيىن تاعى 2،5،7 سىنىپتارعا ءبىلىم بەرەتىن تاعى 4 000 پەداگوگ مامانداردى كۋرستان وتكىزۋدى جوسپارلاۋدامىز. وقۋ ساپاسىن ارتتىرۋ ماقساتىندا اتقارىلىپ جاتقان جۇمىستار بۇنىمەن شەكتەلىپ قالمايدى. ايماقتا ءۇش اۋىسىمداعى مەكتەپتەردى دە جويۋ ءۇشىن جوسپار قۇرىلۋدا، – دەدى نۇرگەلدى ءابجاپپاروۆ.
بيىلعى جىلى شقو-دا 7 مەكتەپ سالىنۋدا. سەمەي قالاسىندا جانە ءۇرجار، شەمونايحا اۋداندارىنداعى ءبىلىم وشاقتارى بيىل قولدانىسقا بەرىلمەك. بۇعان قوسا ايماقتا ءۇش اۋىسىمداعى مەكتەپتەردى جويۋ ماقساتىندا 4 مەكتەپتىڭ قۇرىلىسى جۇرگىزىلۋدە. ونىڭ ۇشەۋىنىڭ قۇرىلىسى جىل سوڭىنا دەيىن اياقتالادى.
https://dalanews.kz/29391
