Aımaq basshysy Danıal Ahmetov burynǵy depýtattyq quramǵa jemisti birlesken jumys úshin shyn júrekten alǵysyn bildirip, jańa jaǵdaıda barlyq deńgeıdegi maslıhattardyń jalpy saıası róli men jaýapkershiligi artyp otyrǵanyn atap ótti.
– Men depýtattyq korpýstyń jańartylǵan quramy oblysymyzdyń odan ári damýy men órkendeýi jolynda aıanbaı eńbek etetinine senemin. Partıaaralyq ózara is-qımyldy kúsheıtý, barlyq fraksıalardyń úılesimdi jumysyna qol jetkizý qajet. Oblystyq máslıhattyń barlyq depýtattary, qandaı partıaǵa jatatynyna qaramastan, ózderiniń saılaýaldy baǵdarlamalary men saılaýshylarǵa bergen ýádelerin oryndaýǵa belsendi kirisetinine senimdimin, – dep atap ótti SHQO ákimi Danıal Ahmetov.
Otyrysta jańa saılanǵan depýtattyq korpýs sondaı-aq, tórt turaqty komısıany qurý jáne quramyn tańdaý máselesin qarastyrdy. Jalpy SHQO aýmaqtyq saılaý komısıasynyń tóraǵasy Ersaın Nábıevtiń aıtýynsha, bıylǵy saılaýda depýtattyq korpýs aıtarlyqtaı jańartylǵan. Depýtattar arasynda qoǵam qaıratkerleri, iri kásiporyndardyń, sharýa qojalyqtarynyń basshylary bar.
Aıta keteıik, oblystyq maslıhattaǵy depýtattyq mandattar saılaýshylar daýysynyń jeti jáne odan da kóp paıyzyn alǵan saıası partıalar arasynda bólingen. Osylaısha, "Nur Otan" partıasy 32 mandat, "Aýyl" halyqtyq-demokratıalyq patrıottyq partıasy men "Aq jol" QDP-nda 3 mandattan.
SHQO ákiminiń baspasóz qyzmeti
