بۇگىن وسكەمەندە جەتىنشى شاقىرىلعان وبلىستىق ءماسليحاتتىڭ ءبىرىنشى سەسسياسى ءوتتى. سەسسيا بارىسىندا دەپۋتاتتار شقو ءماسليحاتىنىڭ جاڭا حاتشىسىن سايلادى. بۇل قىزمەتكە بۇعان دەيىن وبلىستىڭ دەنە شىنىقتىرۋ جانە سپورت باسقارماسىنىڭ باسشىسى قىزمەتىن اتقارعان دەنيس رىپاكوۆ تاعايىندالدى.

ايماق باسشىسى دانيال احمەتوۆ بۇرىنعى دەپۋتاتتىق قۇرامعا جەمىستى بىرلەسكەن جۇمىس ءۇشىن شىن جۇرەكتەن العىسىن ءبىلدىرىپ، جاڭا جاعدايدا بارلىق دەڭگەيدەگى ماسليحاتتاردىڭ جالپى ساياسي ءرولى مەن جاۋاپكەرشىلىگى ارتىپ وتىرعانىن اتاپ ءوتتى.

– مەن دەپۋتاتتىق كورپۋستىڭ جاڭارتىلعان قۇرامى وبلىسىمىزدىڭ ودان ءارى دامۋى مەن وركەندەۋى جولىندا ايانباي ەڭبەك ەتەتىنىنە سەنەمىن. پارتياارالىق ءوزارا ءىس-قيمىلدى كۇشەيتۋ، بارلىق فراكسيالاردىڭ ۇيلەسىمدى جۇمىسىنا قول جەتكىزۋ قاجەت. وبلىستىق ءماسليحاتتىڭ بارلىق دەپۋتاتتارى، قانداي پارتياعا جاتاتىنىنا قاراماستان، وزدەرىنىڭ سايلاۋالدى باعدارلامالارى مەن سايلاۋشىلارعا بەرگەن ۋادەلەرىن ورىنداۋعا بەلسەندى كىرىسەتىنىنە سەنىمدىمىن، – دەپ اتاپ ءوتتى شقو اكىمى دانيال احمەتوۆ.

وتىرىستا جاڭا سايلانعان دەپۋتاتتىق كورپۋس سونداي-اق، ءتورت تۇراقتى كوميسسيانى قۇرۋ جانە قۇرامىن تاڭداۋ ماسەلەسىن قاراستىردى. جالپى شقو اۋماقتىق سايلاۋ كوميسسياسىنىڭ ءتوراعاسى ەرساين نابييەۆتىڭ ايتۋىنشا، بيىلعى سايلاۋدا دەپۋتاتتىق كورپۋس ايتارلىقتاي جاڭارتىلعان. دەپۋتاتتار اراسىندا قوعام قايراتكەرلەرى، ءىرى كاسىپورىنداردىڭ، شارۋا قوجالىقتارىنىڭ باسشىلارى بار.

ايتا كەتەيىك، وبلىستىق ماسليحاتتاعى دەپۋتاتتىق مانداتتار سايلاۋشىلار داۋىسىنىڭ جەتى جانە ودان دا كوپ پايىزىن العان ساياسي پارتيالار اراسىندا بولىنگەن. وسىلايشا، "Nur Otan" پارتياسى 32 ماندات، "اۋىل" حالىقتىق-دەموكراتيالىق پاتريوتتىق پارتياسى مەن "اق جول" قدپ-ندا 3 مانداتتان.

شقو اكىمىنىڭ باسپا ءسوز قىزمەتى