Shyǵysta kásipkerlerdi qoldaý jumystary qarqyndy iske asýda
2010 men 2017 jyldar aralyǵynda oblysta jalpy somasy 589 milliard teńgeni quraǵan 43 joba, onyń altaýy (381 milliard teńge) byltyr, júzege asyrylǵan.
– Kásipkerlikti qoldaý kartasyna engen jobalardyń eń irisi dep Aqtoǵai taý-ken kombinatynyń qurylysyn aitýǵa bolady. Bul óndiris orny búginde álemdegi alpaýyt kombinattardyń birine ainaldy. Byltyr kombinattaǵy mys óndirisiniń kólemi 90 myń tonnaǵa ulǵaisa, katodtyq mys óndirisi 25 myń tonnaǵa deiin artqan. Búginde kombinatta 650 adam eńbek etse, onyń 350-i ǵana negizgi jumysshylar ekenin aitqym keledi. Tsifrlandyrý men aqyldy tehnologiialar degen osy, – dedi oblys ákimi.
Sonymen qatar Óskemen armatýra zaýytyndaǵy jańǵyrtý jumystary aiasynda kásiporynda robottandyrylǵan dánekerleý kesheni iske qosylǵanyn da aita ketken oryndy. Atalmysh keshen eńbek ónimdiligin 40 paiyzǵa arttyryp, shyǵarylatyn ónimniń sapasyna beriletin kepildik merzimin 36 jylǵa deiin uzartýǵa múmkindik beredi.
Taǵy bir mańyzdy joba retinde «TAG-TIN» JShS-niń maily daqyldardy (raps) qaita óńdeý zaýytynyń qurylysyn keltirýge bolady. Aita keteiik, atalmysh zaýyt importty almastyrý baǵytynda jumys isteitin bolady.
Buǵan qosa oblysta zamanaýi tehnologiialardyń kómegimen Baqyrshyq ken baiytý kombinatyna qarasty altyn kenishin igerý jumystary oidaǵydai júrgizilýde. Atalǵan kenishtiń jylyna 1,8 milliard tonna qazba bailyǵyn óndirýge shamasy jetedi. Joba tolyq kúgshine 2019 jyly enedi dep josparlanýda.
Sondai-aq, óndiristi tsifrlandyrý baǵdarlamasy boiynsha jáne «4.0 Indýstriiasy» elementterin negizge ala otyryp jalpy somasy 15 milliard teńgeni quraityn 13 jobanyń «Qazmyryshqa» qarasty eki jobasy (quny 1.4 milliard teńge) júzege asyrylyp úlgergen.
– Osy jumystardyń barlyǵy Elbasy Joldaýyndaǵy «Indýstriialandyrý jańa tehnologiialardy engizýdiń kóshbasshysyna ainalýy tiis» degen birinshi mindetine sai júrgizilýde. Bul sharýa ústimizdegi jyly da jalǵasyn tabady. Osy oraida, tsifrlik revoliýtsiia men odan týyndaityn óndiristi avtomattandyrý jáne robottandyrý úderisteri kadrlyq revoliýtsiiaǵa da jol ashatynyn aita ketken oryndy. Eńbek naryǵy eleýli ózgeriske ushyrai bastaǵanyn qazirdiń ózinde-aq baiqaýǵa bolady. Tsirlandyrý ekonomikanyń salalaryna dendegen saiyn ózgerister de aýqymdy bola túspek. Sol sebepti, bolashaqta qoǵamda jappai jumyssyzdyq oryn almaýy úshin qazirden bastap óńirdegi óndiris oryndarymen jumys kúshiniń aǵymyn basqarýǵa baǵyttalǵan birlesken «Jol kartalaryn» ázirleýdemiz. Joǵary oqý oryndary men kolledjder atom jáne taý-ken óndirisine qajetti mamandardy daiarlaý jumystaryn bastap ketti, – dedi Danial Ahmetov.
Oblys ákimi kásiporyndardyń jumysyn «4.0 Indýstriiasynyń» elementterin paidalaný arqyly jańǵyrtýǵa baǵyttalǵan, sondai-aq Kásipkerlikti qoldaý kartasy men ǵylymi-zertteý jáne tájiribelik-konstrýktorlyq jumystarǵa qatysty jobalardyń júzege asyrylý barysyn qadaǵalaýdy óziniń birinshi orynbasary Nurymbet Saqtaǵanovqa tapsyrdy.
https://dalanews.kz/34290
