Búginde oblysta ósimdik sharýashylyǵyn damytý baǵdarlamasy iske asyrylýda. Baǵdaralama aıasynda tıimdiligi joǵary jáne jem-shóp daqyldary alqaptaryn ulǵaıtyp, egistikterdi ártaraptandyrý júrgizilýde.
Aǵymdaǵy jyly kúnbaǵystyń egis alqaby 40 myń gektarǵa, raps – 3,7 myń gektarǵa, júgeri – 3,4 myń gektarǵa ulǵaıǵan.
Budan basqa, ınvestısıalyq jobalardy iske asyrý jáne sý sharýashylyǵy obektilerin paıdalanýǵa berý 2025 jylǵa qaraı sýarmaly jerlerdegi jem-shóp daqyldarynyń alańyn 28 myń gektarǵa (barlyǵy 296 myń ga) ulǵaıtýǵa múmkindik beredi jáne olardyń úlesi 21%-dy quraıdy.
Jalpy, sońǵy eki jylda halyqty jaıylymdarmen qamtamasyz etýde oń dınamıka baıqalady. Máselen, 2019 jyldyń basynda jaıylymdarǵa qajettilik 2,7 mln gektardy qurady, aǵymdaǵy jyldyń qazan aıynda 1 mln gektraǵa deıin qysqardy.
Agroónerkásiptik keshende eki iri maı ekstraksıalyq zaýyt salý kózdelgen, olardyń bireýi paıdalanýǵa berildi ("QazaqAstyqGroup" JSHS, qýaty 300 myń tonna).
Qýaty jylyna 300 myń tonnaǵa deıingi mýltıkýltýralardy qaıta óńdeý boıynsha ekinshi kombınat kelesi jyly iske qosylatyn bolady ("Altyn Shyghys" JSHS, Predgornoe aýyly, Glýbokoe aýdany). Jobalardy iske asyrǵanda ósimdik maıyn óńdeý kólemin jylyna 600 myń tonnaǵa, al tolyq qýatqa shyqqannan keıin 1 mln tonnaǵa deıin ulǵaıtýǵa múmkindik beredi.
Osylaısha, tek osy obektilerdi iske qosý 2022 jylǵa qaraı qaıta óńdelgen aýyl sharýashylyǵy ónimderiniń eksportyn 4 esege (64,2 mln, AQSH dollarynan 257 mln deıin) ulǵaıtýǵa múmkindik beredi jáne elge qosymsha valútalyq túsimder ákeledi.
