بۇگىندە وبلىستا وسىمدىك شارۋاشىلىعىن دامىتۋ باعدارلاماسى ىسكە اسىرىلۋدا. باعدارالاما اياسىندا تيىمدىلىگى جوعارى جانە جەم-شوپ داقىلدارى القاپتارىن ۇلعايتىپ، ەگىستىكتەردى ءارتاراپتاندىرۋ جۇرگىزىلۋدە.
اعىمداعى جىلى كۇنباعىستىڭ ەگىس القابى 40 مىڭ گەكتارعا، راپس – 3،7 مىڭ گەكتارعا، جۇگەرى – 3،4 مىڭ گەكتارعا ۇلعايعان.
بۇدان باسقا، ينۆەستيسيالىق جوبالاردى ىسكە اسىرۋ جانە سۋ شارۋاشىلىعى وبەكتىلەرىن پايدالانۋعا بەرۋ 2025 جىلعا قاراي سۋارمالى جەرلەردەگى جەم-شوپ داقىلدارىنىڭ الاڭىن 28 مىڭ گەكتارعا (بارلىعى 296 مىڭ گا) ۇلعايتۋعا مۇمكىندىك بەرەدى جانە ولاردىڭ ۇلەسى 21%-دى قۇرايدى.
جالپى، سوڭعى ەكى جىلدا حالىقتى جايىلىمدارمەن قامتاماسىز ەتۋدە وڭ ديناميكا بايقالادى. ماسەلەن، 2019 جىلدىڭ باسىندا جايىلىمدارعا قاجەتتىلىك 2،7 ملن گەكتاردى قۇرادى، اعىمداعى جىلدىڭ قازان ايىندا 1 ملن گەكتراعا دەيىن قىسقاردى.
اگروونەركاسىپتىك كەشەندە ەكى ءىرى ماي ەكستراكسيالىق زاۋىت سالۋ كوزدەلگەن، ولاردىڭ بىرەۋى پايدالانۋعا بەرىلدى ("QazaqAstyqGroup" ج ش س، قۋاتى 300 مىڭ توننا).
قۋاتى جىلىنا 300 مىڭ تونناعا دەيىنگى مۋلتيكۋلتۋرالاردى قايتا وڭدەۋ بويىنشا ەكىنشى كومبينات كەلەسى جىلى ىسكە قوسىلاتىن بولادى ("Altyn Shyghys" ج ش س، پرەدگورنوە اۋىلى، گلۋبوكوە اۋدانى). جوبالاردى ىسكە اسىرعاندا وسىمدىك مايىن وڭدەۋ كولەمىن جىلىنا 600 مىڭ تونناعا، ال تولىق قۋاتقا شىققاننان كەيىن 1 ملن تونناعا دەيىن ۇلعايتۋعا مۇمكىندىك بەرەدى.
وسىلايشا، تەك وسى وبەكتىلەردى ىسكە قوسۋ 2022 جىلعا قاراي قايتا وڭدەلگەن اۋىل شارۋاشىلىعى ونىمدەرىنىڭ ەكسپورتىن 4 ەسەگە (64،2 ملن، اقش دوللارىنان 257 ملن دەيىن) ۇلعايتۋعا مۇمكىندىك بەرەدى جانە ەلگە قوسىمشا ۆاليۋتالىق تۇسىمدەر اكەلەدى.
