Respýblıka kúni qarsańynda Óskemen qalasynda Dostyq úıiniń 30 jyldyǵyn merekeleý aıasynda Shyǵys Qazaqstan oblysy Qazaqstan halqy Assambleıasynyń HHVIII sesıasynyń keńeıtilgen otyrysy jáne merekelik konsert ótti, – dep habarlaıdy Dalanews.kz Shyǵys Qazaqstan oblysy ákiminiń baspasóz qyzmetine silteme jasap.

İs-sharaǵa óńir basshysy Danıal Ahmetov, QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵalym Shoıkın, Dostyq úıi men QHA belsendileri, «Assambleıa jastary» qozǵalysynyń músheleri, oblys jastary men jurtshylyǵy qatysty.

1992 jyly Óskemende Qazaqstan tarıhyndaǵy alǵashqy Dostyq úıi ashyldy. – Oblys qalalary men aýdandarynyń 7 Dostyq úıiniń bazasynda 72 etnomádenı birlestik jumys isteıdi, túrli ulttardyń 8 tili erkin oqytylady. Oblysta medıasıany ilgeriletýdiń oń tájirıbesi jınaqtalǵan. Beıindi memlekettik organdarmen jáne kásipodaqtarmen memorandýmdar iske asyrylýda. Oblystyq Dostyq úıiniń bazasynda Medıasıa kabınetiniń vırtýaldy qabyldaý bólmesi jumys isteıdi. Biz kásibı jáne qoǵamdyq medıatorlardyń áleýetin paıdalana otyryp, medıatıvtik rásimderdi qoldanýdy keńeıtýimiz qajet. Munyń bári aýqymdy etnosaralyq komýnıkasıanyń tıimdi alańyna aınalýy tıis. Osy maqsatta biz 241 qalalyq, aýdandyq, aýyldyq okrýgtik Qoǵamdyq kelisim keńesteriniń, Analar keńesteriniń áleýetin barynsha paıdalanýymyz qajet, – dedi SHQO ákimi Danıal Ahmetov otyrys barysynda.

Sonymen qatar, ol SHQO halqy Assambleıasynyń ǵylymı-saraptamalyq tobyna etnografıalyq zertteýler men toleranttylyq mektebiniń jobasyn jalǵastyrýdy tapsyrdy. «Jastarmen jumys barlyq qoǵamdyq ınstıtýttar men Dostyq úıleriniń bazasynda bolýy tıis. «Assambleıa jastary» qozǵalysynyń músheleri jastardy eriktiler qozǵalysyna tartý, olardyń quqyqtyq saýattylyǵyn arttyrý, kásip alý men jumyspen qamtýdy memlekettik qoldaý sharalaryn túsindirý jumystaryn kúsheıtýi qajet» dep atap ótti oblys ákimi.

İs-shara barysynda QR Aqparat jáne qoǵamdyq damý mınıstrligi etnosaralyq qatynastardy damytý komıtetiniń tóraǵasy Ǵalym Shoıkın Shyǵys Qazaqstan jurtshylyǵyn kele jatqan Respýblıka kúnimen quttyqtady.

– Bul kúnderi biz SHQO Dostyq úıiniń 30 jyldyǵyn atap ótýdemiz. Dál osy Shyǵys Qazaqstannyń tájirıbesi búkil Qazaqstan boıynsha 40-tan astam Dostyq úıiniń qurylýy men jumys isteýine negiz boldy, sondyqtan onyń oryny men Sizder atqaryp otyrǵan  jumystyń  mańyzy búkil elimiz úshin erekshe jáne asa qajet. Barshańyzǵa eldegi beıbitshilik pen kelisimdi qamtamasyz etý jolyndaǵy kúndelikti eńbekterińizge alǵys aıtamyn, – dep quttyqtady Komıtet tóraǵasy.

Sóz sońynda, Óskemendegi tuńǵysh Dostyq úıiniń 30 jyl boıy  óńirdegi tatýlyq pen kelisim ordasy retindegi mısıasyn abyroımen atqaryp kele jatqanyn aıta ketý oryndy.