Shyǵysta din qyzmetkerleriniń oi-óresi men bilim deńgeiine basa nazar aýdarylady
Sharaǵa arnaiy qatysqan aimaq basshysy Danial Ahmetov osy kezdesýde din men qoǵamnyń dialogyna qatysty pikirin ortaǵa salǵan.
"Meshit tek dini qulshylyq etetin orny ǵana emes, sondai-aq salt-dástúrdi, tarihymyzdy nasihattaityn rýhani ortalyqqa ainalýy tiis. Qazirgi zaman talaby da osy", – degen bolatyn Danial Kenjetaiuly.
Kúni keshe Shyǵystaǵy dini mamandar jetispeitin meshitterge qyzmetke taǵaiyndalatyn úmitkerlerdiń biliktiligin saraptaý maqsatynda oblystyq «Halifa Altai» meshitinde dini saraptama ótti.
Komissiia músheleri dini qyzmetke úmitkerlerdiń bilimi men biliktiligin saraptady. Olar Quran men aqida jáne fiqh ilimderinen synaq tapsyrdy. Sonymen qatar Imamdar forýmynda qabyldanǵan kontseptýaldy qujattar, Dini qyzmet týraly zańdar boiynsha synaq tapsyrdy.
Saraptama jumysy týraly Óskemen aimaǵynyń bas imamy Ermek Qasbolatuly:
«Óńirdegi birqatar meshitti imamdarmen qamtamasyz etý baǵytynda osy saraptama jumysy uiymdastyrylyp otyr. Synaqqa qatysýshylar – dini bilim jetildirý kýrstarynan ótken qyzmetke laiyq úmitkerler. Zaman talabyna sai dini qyzmetkerlerimiz jan-jaqty, bilimdi bolýy shart. Olar Quran, aqida, fiqh jáne QMDB-nyń negizgi qujattaryn jettik meńgerip, talaptarǵa sai bolýy tiis» dep atap ótti.
Óskemen ókildigi saraptamaǵa tyńǵylyqty ázirlik jasap, joǵarǵy deńgeide uiymdastyrdy. Saraptamadan oń nátije kórsetken dini qyzmetke úmitkerler QMDB tóraǵasy, Bas múftidiń buiryǵymen meshitterge dini qyzmetke taǵaiyndalady.
