شاراعا ارنايى قاتىسقان ايماق باسشىسى دانيال احمەتوۆ وسى كەزدەسۋدە ءدىن مەن قوعامنىڭ ديالوگىنا قاتىستى پىكىرىن ورتاعا سالعان.
"مەشىت تەك ءدىني قۇلشىلىق ەتەتىن ورنى عانا ەمەس، سونداي-اق ءسالت-داستۇردى، تاريحىمىزدى ناسيحاتتايتىن رۋحاني ورتالىققا اينالۋى ءتيىس. قازىرگى زامان تالابى دا وسى"، – دەگەن بولاتىن دانيال كەنجەتاي ۇلى.
كۇنى كەشە شىعىستاعى ءدىني ماماندار جەتىسپەيتىن مەشىتتەرگە قىزمەتكە تاعايىندالاتىن ۇمىتكەرلەردىڭ بىلىكتىلىگىن ساراپتاۋ ماقساتىندا وبلىستىق «حاليفا التاي» مەشىتىندە ءدىني ساراپتاما ءوتتى.
كوميسسيا مۇشەلەرى ءدىني قىزمەتكە ۇمىتكەرلەردىڭ ءبىلىمى مەن بىلىكتىلىگىن ساراپتادى. ولار قۇران مەن اقيدا جانە فيقھ ىلىمدەرىنەن سىناق تاپسىردى. سونىمەن قاتار يمامدار فورۋمىندا قابىلدانعان كونسەپتۋالدى قۇجاتتار، ءدىني قىزمەت تۋرالى زاڭدار بويىنشا سىناق تاپسىردى.
ساراپتاما جۇمىسى تۋرالى وسكەمەن ايماعىنىڭ باس يمامى ەرمەك قاسبولات ۇلى:
«وڭىردەگى ءبىرقاتار مەشىتتى يمامدارمەن قامتاماسىز ەتۋ باعىتىندا وسى ساراپتاما جۇمىسى ۇيىمداستىرىلىپ وتىر. سىناققا قاتىسۋشىلار – ءدىني ءبىلىم جەتىلدىرۋ كۋرستارىنان وتكەن قىزمەتكە لايىق ۇمىتكەرلەر. زامان تالابىنا ساي ءدىني قىزمەتكەرلەرىمىز جان-جاقتى، ءبىلىمدى بولۋى شارت. ولار قۇران، اقيدا، فيقھ جانە قمدب-نىڭ نەگىزگى قۇجاتتارىن جەتتىك مەڭگەرىپ، تالاپتارعا ساي بولۋى ءتيىس» دەپ اتاپ ءوتتى.
وسكەمەن وكىلدىگى ساراپتاماعا تىڭعىلىقتى ازىرلىك جاساپ، جوعارعى دەڭگەيدە ۇيىمداستىردى. ساراپتامادان وڭ ناتيجە كورسەتكەن ءدىني قىزمەتكە ۇمىتكەرلەر قمدب ءتوراعاسى، باس ءمۇفتيدىڭ بۇيرىعىمەن مەشىتتەرگە ءدىني قىزمەتكە تاعايىندالادى.
