Iaǵni, ortalyqtardaǵy 5 myńnan astam adamnyń ómir súrý deńgeii jaqsara túspek. Atalmysh jumystar «Jumyspen qamtýdyń jol kartasy» aiasynda júzege asyrylyp otyr.
Aǵymdaǵy jyly oblysta Jumyspen qamtýdyń jol kartasyna qomaqty qarjy bólinip, barlyǵy 817 infraqurylymdyq jobany júzege asyrý josparlanýda. Tek áleýmettik salada 385 nysanda kúrdeli jáne aǵymdaǵy jóndeý, onyń ishinde áleýmettik qorǵaý mekemelerindegi ómirdi jaqsartý boiynsha 24 joba josparlanǵan. Sonymen birge barlyq infraqurylymdyq baǵdarlamalardy iske asyrý úshin 18 870 ýaqytsha, 1150 turaqty jumys ornyn qurý jospary bar.
Aita ketsek, biyl Óskemen qalasyndaǵy arnaiy áleýmettik kómek kórsetý balalar ortalyǵynda kópten beri sheshimin taba almai kele jatqan másele on sheshimin tapty. Balalarǵa saýyqtyrý sabaqtaryn júrgizýge arnalǵan bassein tym tómen bolǵan, sýdyń mólsherden az bolýy tiimsiz boldy.
Aǵymdaǵy jyly Jumyspen qamtýdyń jol kartasy aiasynda bassein qaita jóndelip, balalarǵa qýanysh silady. Sonymen qatar demeýshiler kórsetken 27 mln teńge qarjylai kómekke tiisti ortopediialyq jabdyqtar satyp alyndy.
Atalmysh nysandar biz úshin óte mańyzdy. Áleýmettik qorǵaý salasyndaǵy jobalardy júzege asyrýǵa 2,2 mlrd. teńge bólindi. Bul negizgi mindetter. Biz barlyq ortalyqtardaǵy máselelerdi kezeń-kezeńimen sheshemiz. Barlyq jóndeý jumystary ýaqytyly aiaqtalady. «Jumyspen qamtýdyń jol kartasynyń» eń mańyzdy áseri - árbir azamattyń ómir súrý deńgeiiniń jaqsaratynyn seziný, - dedi oblystyq jumyspen qamtý jáne áleýmettik baǵdarlamalar basqarmasynyń basshysy Jasulan Sarsebaev.
Jalpy, Jumyspen qamtýdyń jol kartasy aiasynda 205 km qalalyq jáne aýyldyq mańyzy bar avtomobil joldarynda jóndeý jumystary júrgizilýde, bul jaqyn eldi mekenderdegi 236 myńnan astam oblys turǵyndarynyń jaǵdaiyn jaqsartýǵa múmkindik beredi. 87 myńǵa jýyq turǵynǵa arnalǵan 153 km sýmen jabdyqtaý jelileri jóndelmek.
Sonymen qatar, birneshe ondaǵan myń adamdar úshin ortalyqtandyrylǵan aǵyndy sýlar, jylý jáne elektr energiiasynyń qyzmetteri standartty deńgeige jetkiziledi.
Sondai-aq, kóp qabatty turǵyn úi qurylysynyń ýchaskelerine uzyndyǵy 151 km bolatyn qajetti injenerlik-kommýnikatsiialyq infraqurylym tartylǵan.
Halyqtyń áleýmettik álsiz toptary úshin 37 turǵyn úi men 74 páter, tehnikalyq jáne kásiptik bilim berý mekemeleriniń 716 orynǵa arnalǵan 2 jataqhanasy salynady. Halyqtyń demalysy úshin saiabaqtardy, kóshelerdi, týristik nysandardy, aýlalardy, jattyǵý alańdaryn abattandyrý jumystary júrgizilip, energiia únemdeitin jaryqtandyrý ornatyldy.
