شىعىستا بالالارعا ارنالعان وڭالتۋ ورتالىقتارى تولىق جوندەۋدەن وتەدى

Dalanews 23 ماۋ. 2020 09:05 458

شىعىس قازاقستاندا بالالار مەن ەرەسەكتەرگە ارنالعان وڭالتۋ ورتالىقتارىنا تولىق جوندەۋ جۇمىستارى جۇرگىزىلۋدە.




ياعني، ورتالىقتارداعى 5 مىڭنان استام ادامنىڭ ءومىر ءسۇرۋ دەڭگەيى جاقسارا تۇسپەك. اتالمىش جۇمىستار «جۇمىسپەن قامتۋدىڭ جول كارتاسى» اياسىندا جۇزەگە اسىرىلىپ وتىر.

اعىمداعى جىلى وبلىستا جۇمىسپەن قامتۋدىڭ جول كارتاسىنا قوماقتى قارجى ءبولىنىپ، بارلىعى 817 ينفراقۇرىلىمدىق جوبانى جۇزەگە اسىرۋ جوسپارلانۋدا. تەك الەۋمەتتىك سالادا 385 نىساندا كۇردەلى جانە اعىمداعى جوندەۋ، ونىڭ ىشىندە الەۋمەتتىك قورعاۋ مەكەمەلەرىندەگى ءومىردى جاقسارتۋ بويىنشا 24 جوبا جوسپارلانعان. سونىمەن بىرگە بارلىق ينفراقۇرىلىمدىق باعدارلامالاردى ىسكە اسىرۋ ءۇشىن 18 870 ۋاقىتشا، 1150 تۇراقتى جۇمىس ورنىن قۇرۋ جوسپارى بار.

ايتا كەتسەك، بيىل وسكەمەن قالاسىنداعى ارنايى الەۋمەتتىك كومەك كورسەتۋ بالالار ورتالىعىندا كوپتەن بەرى شەشىمىن تابا الماي كەلە جاتقان ماسەلە ون شەشىمىن تاپتى. بالالارعا ساۋىقتىرۋ ساباقتارىن جۇرگىزۋگە ارنالعان باسسەين تىم تومەن بولعان، سۋدىڭ مولشەردەن از بولۋى ءتيىمسىز بولدى.

اعىمداعى جىلى جۇمىسپەن قامتۋدىڭ جول كارتاسى اياسىندا باسسەين قايتا جوندەلىپ، بالالارعا قۋانىش سيلادى. سونىمەن قاتار دەمەۋشىلەر كورسەتكەن 27 ملن تەڭگە قارجىلاي كومەككە ءتيىستى ورتوپەديالىق جابدىقتار ساتىپ الىندى.


اتالمىش نىساندار ءبىز ءۇشىن وتە ماڭىزدى. الەۋمەتتىك قورعاۋ سالاسىنداعى جوبالاردى جۇزەگە اسىرۋعا 2،2 ملرد. تەڭگە ءبولىندى. بۇل نەگىزگى مىندەتتەر. ءبىز بارلىق ورتالىقتارداعى ماسەلەلەردى كەزەڭ-كەزەڭىمەن شەشەمىز. بارلىق جوندەۋ جۇمىستارى ۋاقىتىلى اياقتالادى. «جۇمىسپەن قامتۋدىڭ جول كارتاسىنىڭ» ەڭ ماڭىزدى اسەرى - ءاربىر ازاماتتىڭ ءومىر ءسۇرۋ دەڭگەيىنىڭ جاقساراتىنىن سەزىنۋ، - دەدى وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى جاسۇلان سارسەبايەۆ.

جالپى، جۇمىسپەن قامتۋدىڭ جول كارتاسى اياسىندا 205 كم قالالىق جانە اۋىلدىق ماڭىزى بار اۆتوموبيل جولدارىندا جوندەۋ جۇمىستارى جۇرگىزىلۋدە، بۇل جاقىن ەلدى مەكەندەردەگى 236 مىڭنان استام وبلىس تۇرعىندارىنىڭ جاعدايىن جاقسارتۋعا مۇمكىندىك بەرەدى. 87 مىڭعا جۋىق تۇرعىنعا ارنالعان 153 كم سۋمەن جابدىقتاۋ جەلىلەرى جوندەلمەك.

سونىمەن قاتار، بىرنەشە ونداعان مىڭ ادامدار ءۇشىن ورتالىقتاندىرىلعان اعىندى سۋلار، جىلۋ جانە ەلەكتر ەنەرگياسىنىڭ قىزمەتتەرى ستاندارتتى دەڭگەيگە جەتكىزىلەدى.

سونداي-اق، كوپ قاباتتى تۇرعىن ءۇي قۇرىلىسىنىڭ ۋچاسكەلەرىنە ۇزىندىعى 151 كم بولاتىن قاجەتتى ينجەنەرلىك-كوممۋنيكاسيالىق ينفراقۇرىلىم تارتىلعان.


حالىقتىڭ الەۋمەتتىك ءالسىز توپتارى ءۇشىن 37 تۇرعىن ءۇي مەن 74 پاتەر، تەحنيكالىق جانە كاسىپتىك ءبىلىم بەرۋ مەكەمەلەرىنىڭ 716 ورىنعا ارنالعان 2 جاتاقحاناسى سالىنادى. حالىقتىڭ دەمالىسى ءۇشىن ساياباقتاردى، كوشەلەردى، تۋريستىك نىسانداردى، اۋلالاردى، جاتتىعۋ الاڭدارىن اباتتاندىرۋ جۇمىستارى جۇرگىزىلىپ، ەنەرگيا ۇنەمدەيتىن جارىقتاندىرۋ ورناتىلدى.

ۇسىنىلعان
سوڭعى جاڭالىقتار