Shyǵysta 33 myń oqýshy tegin mektep formasy jáne ystyq tamaqpen qamtamasyz etiledi
Oblys ákimi Danial Ahmetov aýyldyq jerlerdegi 230 kópbalaly januiaǵa biýdjetten tys qarajatqa alatyn 230 úidi komissiia tekserip shyqqanyn aitty.
Olardyń 196-y aýyldyq jerlerde ornalassa, 34 úi tórt aýdan ortalyǵynda. Jalpy somasy 558,5 mln. teńgeni quraidy. Aýdandyq komissiia músheleriniń málimetinshe, barlyq kópbalaly otbasylary úilermen jeke tanysyp, bolashaq baspanalaryn ózderi tańdap aldy.
⠀
[perfectpullquote align="full" bordertop="false" cite="" link="" color="" class="" size=""]Jinalys barysynda kópbalaly jáne az qamtylǵan otbasylaryn qoldaýǵa baǵyttalǵan aimaqtyq baǵdarlamanyń júzege asý barysyn basqarma basshylary baiandady.
⠀[/perfectpullquote]
Mamyrdan bastap balabaqsha aqysynan 3518 kópbalaly otbasy men bilim alýda erekshe qajettilikteri bar balalardyń ata-analary bosatyldy.
Jańa oqý jylynda tegin mektep formasymen jáne ystyq tamaqpen 33583 oqýshy qamtamasyz etiledi. Aita ketý kerek, oblystyń barlyq mektepteri úshin túsimen ǵana erekshelenetin biryńǵai forma bekitildi. Sondai-aq, 900-den astam kópbalaly otbasyndaǵy túlekter kolledjderge tegin oqýǵa túsýdi josparlap otyr.
