Ózbekstannyń astanasy Tashkent qalasynda 2-4 jeltoqsan aralyǵynda jasóspirimder arasynda semserlesýdiń eki túri boıynsha, erler shpagasynan jáne áıelder arasynda rapıradan álem kýbogy ótti.

Jarystyń alǵashqy kúninde-aq semserlesýden Shyǵys Qazaqstan oblysynyń sportshysy Bogdan Lýkın álem kýbogynyń jekeleı birinshiliginiń altyn medalin jeńip alyp, jeńis tuǵyrynyń eń bıik satysyna kóterildi.

Jartylaı fınalda mysyrlyq Shamel Iýsefti 15:7 esebimen utqan Bogdan fınalda jarys qojaıyny ózbekstandyq Tımýrov Meıirhanmen kezdesip, 15:12 esebimen jeńiske jetti.

Kelesi kúni komandalyq esepte QR quramasy úshinshi orynǵa ıe boldy. Jartylaı fınalda bizdiń jigitter jarys jeńimpazdary – Mysyr quramasynan utyldy. 3-shi oryn úshin  Qyrǵyzstan quramasymen kezdesip, 45:32 esebimen jeńiske jetti.

Bogdan Lýkın 2014 jyldan beri  semserlesý sportymen aınalysyp keleldi. Alǵashqy jattyqtyrýshysy Shelokov Gennadıı Afanasevıch. Bogdan halyqaralyq dárejedegi sport sheberi, Álem, Azıa, el birinshiliginiń sonymen qatar 2022 jyly Parıjde ótken gımnazıadanyń jeńimpazy jáne júldegeri.