جارىستىڭ العاشقى كۇنىندە-اق سەمسەرلەسۋدەن شىعىس قازاقستان وبلىسىنىڭ سپورتشىسى بوگدان لۋكين الەم كۋبوگىنىڭ جەكەلەي بىرىنشىلىگىنىڭ التىن مەدالىن جەڭىپ الىپ، جەڭىس تۇعىرىنىڭ ەڭ بيىك ساتىسىنا كوتەرىلدى.
جارتىلاي فينالدا مىسىرلىق شامەل يۋسەفتى 15:7 ەسەبىمەن ۇتقان بوگدان فينالدا جارىس قوجايىنى وزبەكستاندىق تيمۋروۆ مەيىرحانمەن كەزدەسىپ، 15:12 ەسەبىمەن جەڭىسكە جەتتى.
كەلەسى كۇنى كوماندالىق ەسەپتە ق ر قۇراماسى ءۇشىنشى ورىنعا يە بولدى. جارتىلاي فينالدا ءبىزدىڭ جىگىتتەر جارىس جەڭىمپازدارى – مىسىر قۇراماسىنان ۇتىلدى. 3ء-شى ورىن ءۇشىن قىرعىزستان قۇراماسىمەن كەزدەسىپ، 45:32 ەسەبىمەن جەڭىسكە جەتتى.
بوگدان لۋكين 2014 جىلدان بەرى سەمسەرلەسۋ سپورتىمەن اينالىسىپ كەلەلدى. العاشقى جاتتىقتىرۋشىسى ششەلوكوۆ گەنناديي افاناسيەۆيچ. بوگدان حالىقارالىق دارەجەدەگى سپورت شەبەرى، الەم، ازيا، ەل بىرىنشىلىگىنىڭ سونىمەن قاتار 2022 جىلى پاريجدە وتكەن گيمنازيادانىڭ جەڭىمپازى جانە جۇلدەگەرى.
