Pandemiiamen kúres kezinde halyqqa qyzmet kórsetken bilikti infektsionist-dáriger kópshilikke indetten saqtanýdyń joldaryn aitty. Qazirgi tańda ol táýlik boiy indet juqtyrǵan adamdarǵa meditsinalyq qyzmet kórsetip, kómek qolyn sozýda. «Qazirgi tańda indetke shaldyǵyp, qońyraý shalyp kómek suraǵan adamdardyń qarasy kóp. Jumys óte aýyr. Búginde hirýrg, nevropatolog, endokrinolog dárigerler qashyqtan jumys istep, halyqty emdep jatyr. Pandemiia olardyń osylai jumys isteýge májbúrleýde» deidi Mirhat Ývazyrov.
Áńgime barysynda koronavirýs indetin juqytyryp, arnaiy emhanalarda em alyp jatqan naýqastarmen jumys isteitin dáriger, virýsqa shaldyqqan adamdardy emdeý tásilderi jaiynda aityp berdi.
– Jaqynda bizge ókpesiniń satýratsiiasy 52% jumys isteýin toqtatqan naýqas kelip tústi. Eger onyń ókpesin jaýalaǵan pnevmoniia taǵy da 10-12%-ǵa ulǵaiyp, eki-úsh saǵatqa emhanaǵa keshiktirip ákelegende naýqastyń ómirine arasha túsý qiyn soǵar edi. Budan keiin bizder patsientke qajetti protsedýralardy taǵaiyndap, emdeý sharalaryn jasadyq. Qazirgi tańda tiisti em-sharalardyń arqasynda naýqastyń ókepesiniń satýratsiiasy 95%-ǵa jetip, qalypta jaǵdaiǵa keldi. Osy jaittan qajetti em-sharalardy der kezinde júrgizgende virýsqa shaldyqqan adamdardyń ómirin arashalap qalýǵa bolatynyn baiqaýǵa bolady, – deidi Mirhata Ývazyrova.
Óz kezeginde infektsionist-dáriger Shyǵys Qazaqstan oblysynyń turǵyndaryna virýs juqtyryp alýdan saq bolýǵa shaqyrdy.
– Bul infektsiia kúnuzaq jatyp, otyryp jumys isteitin adamdardy aiamaidy. Eger dene qozǵalysymen jii ainalysyp, kúnine bir márte júgirip, sportpen ainalysatyn adamdar indet juqtyrsa, olar úshin infektsiia jeńil ótedi. Sondyqtan sportpen ainalysyp, immýnitetti kóterýdiń mańyzy zor. Budan basqa adam kóp jinalatyn jerlerge barmańyzdar. Ásirese sozylmaly aýrýlary bar azamattar ózderin barynsha kútýi kerek. Demikpe aýryýlary bar adamdar ózderin barynsha oqshaýlap, jurt kóp jinalatyn jerge múlde barmaǵany jón. Óitkeni ókpe aýrýlary bar adamdar bul kesel óte aýyr tiedi. Búginde koronavirýstyń shynmende qaterli dert ekenin ekenin kópshilik túsinip keledi, – dep dáriger jurtty saq bolýǵa shaqyrdy.
