پاندەميامەن كۇرەس كەزىندە حالىققا قىزمەت كورسەتكەن بىلىكتى ينفەكسيونيست-دارىگەر كوپشىلىككە ىندەتتەن ساقتانۋدىڭ جولدارىن ايتتى. قازىرگى تاڭدا ول تاۋلىك بويى ىندەت جۇقتىرعان ادامدارعا مەديسينالىق قىزمەت كورسەتىپ، كومەك قولىن سوزۋدا. «قازىرگى تاڭدا ىندەتكە شالدىعىپ، قوڭىراۋ شالىپ كومەك سۇراعان ادامداردىڭ قاراسى كوپ. جۇمىس وتە اۋىر. بۇگىندە حيرۋرگ، نيەۆروپاتولوگ، ەندوكرينولوگ دارىگەرلەر قاشىقتان جۇمىس ىستەپ، حالىقتى ەمدەپ جاتىر. پاندەميا ولاردىڭ وسىلاي جۇمىس ىستەۋگە ماجبۇرلەۋدە» دەيدى ميرحات ۋۆازىروۆ.
اڭگىمە بارىسىندا كوروناۆيرۋس ىندەتىن جۇقىتىرىپ، ارنايى ەمحانالاردا ەم الىپ جاتقان ناۋقاستارمەن جۇمىس ىستەيتىن دارىگەر، ۆيرۋسقا شالدىققان ادامداردى ەمدەۋ تاسىلدەرى جايىندا ايتىپ بەردى.
– جاقىندا بىزگە وكپەسىنىڭ ساتۋراسياسى 52% جۇمىس ىستەۋىن توقتاتقان ناۋقاس كەلىپ ءتۇستى. ەگەر ونىڭ وكپەسىن جاۋالاعان پنيەۆمونيا تاعى دا 10-12%-عا ۇلعايىپ، ەكى-ۇش ساعاتقا ەمحاناعا كەشىكتىرىپ اكەلەگەندە ناۋقاستىڭ ومىرىنە اراشا ءتۇسۋ قيىن سوعار ەدى. بۇدان كەيىن بىزدەر پاسيەنتكە قاجەتتى پروسەدۋرالاردى تاعايىنداپ، ەمدەۋ شارالارىن جاسادىق. قازىرگى تاڭدا ءتيىستى ەم-شارالاردىڭ ارقاسىندا ناۋقاستىڭ وكەپەسىنىڭ ساتۋراسياسى 95%-عا جەتىپ، قالىپتا جاعدايعا كەلدى. وسى جايتتان قاجەتتى ەم-شارالاردى دەر كەزىندە جۇرگىزگەندە ۆيرۋسقا شالدىققان ادامداردىڭ ءومىرىن اراشالاپ قالۋعا بولاتىنىن بايقاۋعا بولادى، – دەيدى ميرحاتا ۋۆازىروۆا.
ءوز كەزەگىندە ينفەكسيونيست-دارىگەر شىعىس قازاقستان وبلىسىنىڭ تۇرعىندارىنا ۆيرۋس جۇقتىرىپ الۋدان ساق بولۋعا شاقىردى.
– بۇل ينفەكسيا كۇنۇزاق جاتىپ، وتىرىپ جۇمىس ىستەيتىن ادامداردى ايامايدى. ەگەر دەنە قوزعالىسىمەن ءجيى اينالىسىپ، كۇنىنە ءبىر مارتە جۇگىرىپ، سپورتپەن اينالىساتىن ادامدار ىندەت جۇقتىرسا، ولار ءۇشىن ينفەكسيا جەڭىل وتەدى. سوندىقتان سپورتپەن اينالىسىپ، يممۋنيتەتتى كوتەرۋدىڭ ماڭىزى زور. بۇدان باسقا ادام كوپ جينالاتىن جەرلەرگە بارماڭىزدار. اسىرەسە سوزىلمالى اۋرۋلارى بار ازاماتتار وزدەرىن بارىنشا كۇتۋى كەرەك. دەمىكپە اۋرىۋلارى بار ادامدار وزدەرىن بارىنشا وقشاۋلاپ، جۇرت كوپ جينالاتىن جەرگە مۇلدە بارماعانى ءجون. ويتكەنى وكپە اۋرۋلارى بار ادامدار بۇل كەسەل وتە اۋىر تيەدى. بۇگىندە كوروناۆيرۋستىڭ شىنمەندە قاتەرلى دەرت ەكەنىن ەكەنىن كوپشىلىك ءتۇسىنىپ كەلەدى، – دەپ دارىگەر جۇرتتى ساق بولۋعا شاقىردى.
