Keshe saǵat 18.20-da meditsina buiymdary tielgen 14 tonna júk Qytaidan Óskemen áýejaiyna jetkizildi.
Atap aitqanda, 100 myń ekspress-test, 18 myń qorǵanysh kostiýmderi, 80 myń respirator, 10 myń danadan COVID-19 qarsy meditsinalyq qorǵanys maskalary, ekrandary men kózildirikteri.
Osylaisha, oblystyń barlyq infektsiialyq, provizorlyq jáne observatsiialyq statsionarlarynyń qajettiligin tolyǵymen qamtamasyz etiledi. Ekspress-testileýden aldymen KVI-men kúreste aldyńǵy shepte júrgen adamdar ótedi. Olar meditsina qyzmetkerleri, quqyq qorǵaý jáne sanitarlyq-epidemiologiialyq organdardyń qyzmetkerleri.
Shyǵys Qazaqstan oblysynyń ákimi Danial Ahmetov habarlaǵandai, meditsinalyq taýarlar men arnaiy quraldardy satyp alý jáne tasymaldaý "Paryz" qoǵamdyq qory esebinen qarjylandyryldy.
Taýarlardy qysqa merzim ishinde satyp alý qytailyq seriktes – Sintsziandyq "San Bao" saýda-ónerkásiptik korporatsiiasy JShS arqasynda múmkin boldy.
Aita keteiik, kompaniia ShQO turǵyndary úshin óz esebinen 10 mln.teńgeden astam somaǵa qosymsha Alena-310 markaly 2200 qorǵanysh maskasyn, sondai-aq 200 myń dana qan alý úshin bir rettik ineler men gradýirlengen pipetkalardy jiberdi.
"San Bao" korporatsiiasynyń basshylyǵy Qazaqstan halqyna myqty densaýlyq jáne tezarada pandemiiany jeńýin tiledi.
– Elbasy úndeýine sáikes jáne el Prezidentiniń tapsyrmasyn oryndaý aiasynda bizdiń oblys qysqa merzimde qytailyq áriptestermen yntymaqtastyqta qajetti meditsinalyq quraldar men taýarlar satyp aldy. Bul bizdiń jerlesterimizdiń densaýlyǵy men ómirin saqtaý úshin aldyńǵy qatarda jumys istep júrgen meditsinalyq jáne sanitarlyq-epidemiologiialyq qyzmet mamandaryn COVID-19-dan qorǵaý quraldarynyń qoryn qamtamasyz etýge múmkindik beredi, – dep atap ótti aimaq basshysy Danial Ahmetov.
Taýarlardy tiep jóneltýge "Nur Otan" eriktiler de belsendi túrde qatysty. Oblystyń qalalary men aýdandaryna ári qarai bólý úshin meditsinalyq buiymdar Jumyldyrý daiyndyǵy basqarmasynyń qoimasyna jetkiziledi.
ShQO ákiminiń baspasóz qyzmeti
