Balalardyń demalysyn uıymdastyrýdyń mundaı formaty respýblıkamyzda kóktemgi demalys kezinde «Daryn dostaryn shaqyrady!» taqyrybymen júrgizilgen bolatyn. 30 naýryz ben 3 sáýir aralyǵynda oblysymyzdyń nıet bildirgen barlyq oqýshylary úshin vırtýaldy formatta ótkizildi.
Aǵymdaǵy jyldyń 15 maýsymynda oblystyń bilim basqarmasymen «@shko_online_kanikuly» Instagram akkaýnty quryldy. QR Bilim jáne ǵylym Mınıstrligi bekitken «Qazaqstan balalary - jazdy qýanyshqa toltyraıyq!» qashyqtyq taqyryptyq aýysymdary uıymdastyryldy. Sonymen qatar, oblystaǵy qosymsha bilim berý uıymdarynyń pedagogtary da óz úlesterin qosty.
Qashyqtyq aýysymdar baǵdarlamasy kúndelikti ótkiziletin 4 baǵyttan turady. Olar - tańǵy jattyǵý, sheberlik saǵattary, tanymdyq jáne zıatkerlik saǵattar jáne keshki is-sharalar.
Balalar úshin aýqymdy baǵdarlama daıarlandy. Olar kúndelikti ınteraktıvti úıirmelerge, sporttyq sharalarǵa, onlaın-kvestterge, sheberlik saǵattaryna, shyǵarmashylyq saıystarǵa, vıktorınalarǵa, vırtýaldy ekskýrsıalarǵa qatysyp, kitap oqyp, vırtýaldy klýbtarda kıno kórip, onlaın teatrlar men konsertterge barady jáne vıdeochattarda tálimgerlermen suhbattasady. Onlaın formatqa qaramastan, lager atmosferasy saqtalǵan, sebebi qatysýshylardyń barlyǵy tapsyrmalardy birge oryndaıdy.
Tústen keıingi ýaqytta balalarǵa arnalǵan tanymdyq saǵat júrgiziledi, ol ýaqytta kelesideı vıdeolar legi usynylady: uly aqyn Abaı Qunanbaıulynyń qara sózderi, «Qazaqstannyń jeti keremeti», «Báıterek týraly ańyz», «Álemge tanymal sportshylar» jáne basqalary.
Bos ýaqytty úıde ótkizý - saıahattaý men qyzyqtarǵa teń kelmeıtini sózsiz. Degenmen, onlaın-aýysymdar - tek qashyqtyq formatymen erekshelenetin jańa tanystyqtarǵa, dostarǵa, bilimge, tartystarǵa, qyzyqtarǵa toly. Ata-analar úshin de bul balalarynyń ýaqyty tıimdi ótetindiginiń kepili. Sonymen qatar, mundaı format balalar men ata-analar arasynda jáne QR BǴM-de oń baǵasyn aldy.
Qashyqtyq formatyndaǵy «Online-Kanıkýl» 2020 jyldyń 30 tamyzyna deıin ótkiziledi. Oqý jylynyń bastalýyna qaraı qorytyndylar jasalyp, belsendi qatysqan oqýshylar gramotalarmen jáne estelik syılyqtarmen marapattalatyn bolady.
