بالالاردىڭ دەمالىسىن ۇيىمداستىرۋدىڭ مۇنداي فورماتى رەسپۋبليكامىزدا كوكتەمگى دەمالىس كەزىندە «دارىن دوستارىن شاقىرادى!» تاقىرىبىمەن جۇرگىزىلگەن بولاتىن. 30 ناۋرىز بەن 3 ءساۋىر ارالىعىندا وبلىسىمىزدىڭ نيەت بىلدىرگەن بارلىق وقۋشىلارى ءۇشىن ۆيرتۋالدى فورماتتا وتكىزىلدى.
اعىمداعى جىلدىڭ 15 ماۋسىمىندا وبلىستىڭ ءبىلىم باسقارماسىمەن «@shko_online_kanikuly» Instagram اككاۋنتى قۇرىلدى. ق ر ءبىلىم جانە عىلىم مينيسترلىگى بەكىتكەن «قازاقستان بالالارى - جازدى قۋانىشقا تولتىرايىق!» قاشىقتىق تاقىرىپتىق اۋىسىمدارى ۇيىمداستىرىلدى. سونىمەن قاتار، وبلىستاعى قوسىمشا ءبىلىم بەرۋ ۇيىمدارىنىڭ پەداگوگتارى دا ءوز ۇلەستەرىن قوستى.
قاشىقتىق اۋىسىمدار باعدارلاماسى كۇندەلىكتى وتكىزىلەتىن 4 باعىتتان تۇرادى. ولار - تاڭعى جاتتىعۋ، شەبەرلىك ساعاتتارى، تانىمدىق جانە زياتكەرلىك ساعاتتار جانە كەشكى ءىس-شارالار.
بالالار ءۇشىن اۋقىمدى باعدارلاما دايارلاندى. ولار كۇندەلىكتى ينتەراكتيۆتى ۇيىرمەلەرگە، سپورتتىق شارالارعا، ونلاين-كۆەستتەرگە، شەبەرلىك ساعاتتارىنا، شىعارماشىلىق سايىستارعا، ۆيكتورينالارعا، ۆيرتۋالدى ەكسكۋرسيالارعا قاتىسىپ، كىتاپ وقىپ، ۆيرتۋالدى كلۋبتاردا كينو كورىپ، ونلاين تەاترلار مەن كونسەرتتەرگە بارادى جانە ۆيدەوچاتتاردا تالىمگەرلەرمەن سۇحباتتاسادى. ونلاين فورماتقا قاراماستان، لاگەر اتموسفەراسى ساقتالعان، سەبەبى قاتىسۋشىلاردىڭ بارلىعى تاپسىرمالاردى بىرگە ورىندايدى.
تۇستەن كەيىنگى ۋاقىتتا بالالارعا ارنالعان تانىمدىق ساعات جۇرگىزىلەدى، ول ۋاقىتتا كەلەسىدەي ۆيدەولار لەگى ۇسىنىلادى: ۇلى اقىن اباي قۇنانباي ۇلىنىڭ قارا سوزدەرى، «قازاقستاننىڭ جەتى كەرەمەتى»، «بايتەرەك تۋرالى اڭىز»، «الەمگە تانىمال سپورتشىلار» جانە باسقالارى.
بوس ۋاقىتتى ۇيدە وتكىزۋ - ساياحاتتاۋ مەن قىزىقتارعا تەڭ كەلمەيتىنى ءسوزسىز. دەگەنمەن، ونلاين-اۋىسىمدار - تەك قاشىقتىق فورماتىمەن ەرەكشەلەنەتىن جاڭا تانىستىقتارعا، دوستارعا، بىلىمگە، تارتىستارعا، قىزىقتارعا تولى. اتا-انالار ءۇشىن دە بۇل بالالارىنىڭ ۋاقىتى ءتيىمدى وتەتىندىگىنىڭ كەپىلى. سونىمەن قاتار، مۇنداي فورمات بالالار مەن اتا-انالار اراسىندا جانە ق ر بعم-دە وڭ باعاسىن الدى.
قاشىقتىق فورماتىنداعى «Online-كانيكۋل» 2020 جىلدىڭ 30 تامىزىنا دەيىن وتكىزىلەدى. وقۋ جىلىنىڭ باستالۋىنا قاراي قورىتىندىلار جاسالىپ، بەلسەندى قاتىسقان وقۋشىلار گراموتالارمەن جانە ەستەلىك سىيلىقتارمەن ماراپاتتالاتىن بولادى.
