Sońǵy úlgidegi kásiporyn Semeıdegi «Óndiris» ındýstrıaldy aımaqqa salynady. Josparǵa saı, zaýyt iske qosylǵan soń, iri qara men usaq maldyń eti óńdelip, et konservileri men shujyq túrlerin shyǵarady. Qalada jańa jumys orny ashylady.
– Irandyq seriktes bizdiń óńirde jaısyzdyq sezinbeýi tıis. Tez arada daıyndyq jumystaryn bastaýlary úshin barlyq jaǵdaıdy jasaýymyz kerek, – dedi oblys ákimi Danıal Ahmetov.
Aımaq basshysy, sondaı-aq, ýchaske aýmaǵyna barlyq ınfraqurylym jelisi tartylyp beretindigin jetkizdi. Budan bólek «Bıznestiń jol kartasy-2020» baǵdarlamasy boıynsha temirjol tarmaǵy júrgiziledi. Onyń ıgiligin álbette, ındýstrıaldy aımaqtaǵy ózge kásipkerler de kóredi. Kásiporyndy shıkizatpen qamtamasyz etý múmkindigi qarastyrylyp jatyr. Irandyqtar ózderiniń bordaqylaý alańdaryn jabdyqtaýǵa da yntaly ekendikterin aıtty. Qazannyń aıaǵyna deıin ınvestısıalyq kelisimshartqa qol qoıyp, jer telimin berý máselesin sheshý josparlanyp otyr. 2018 jyldyń basyna deıin joba memlekettik organdarda kelisimnen ótip, bitýi tıis.
SHQO ákiminiń baspasóz qyzmeti
https://dalanews.kz/30625
